Micas 5:1 - Manobo Western Bukidnon OT

¹ Guntaan, sikiyu is menge tig-Jerusalem, endama niw is menge sundaru niw su midliǥuyan kew te menge kuntada niw. Edlegkuten dan te tuked is buked te pengulu te Israel.

Micas 5:1 교차 참조

Genesis 35:19

Ne mibpatey zutun si Raquel ne ziyè dan ileveng te uvey te zalan pehendiyà te inged he Efrat. (Ne haazà is inged he Efrat ne iyan guntaan inged he Betlehem.)

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

1 Hadì 22:24

Ne mid-uvey si Zedekia ziyà te ki Micaya ne midtabpì din. Ne migkaǥi si Zedekia te, “Maan is ibpesavut nu he mid-awà kayi te kediey is Mulin-ulin te Nengazen ne nekidlalag kenikew?”

2 Hadì 24:2

Mibpengelinteuwan te Nengazen he surunga te menge tig-Babilonia, tig-Aram, tig-Moab, wey tig-Amon is Juda, sumalà te migkaǥi te Nengazen pinaaǥi te menge suluǥuen din he mibpenaub din.

Job 16:10

“Edsusudien a wey ed-eengitan a te menge etew. Midtabpì dan is buked ku te kedsudì kedì. Midlivangan e zan te edsurung.

Erubasa 8:23

Impelastar e zin en puun pa te puunà. Daan e en dutun te wazè pa is kelibutan: is daǥat, is menge serebseb, is menge vuntud, is menge vuvungan, is menge vevesukà, wey minsan pa is menge eliyavuk.

Isaias 10:6

Edsuǥuen ku is menge tig-Asiria te kedsurung te egkeepesan ku he nasyun. Heini is nasyun, kenà sikandan edsunud kedì te Megbevayè dan. Heini sikandan, edezeetan ku iring te vasak diyà te kersada he edtekutakan, wey mepenguwa te menge tig-Asiria is langun he menge azen dan.”

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Isaias 8:9

Sikiyu is menge etew ziyà te menge nasyun, minsan mebpetemtempuwè kew pa, ebpekedsusuwey kew ǥihapun. Pemineg kew is diyà te menge meziyù! Minsan mebpengandam kew pa para te kebpekidtebek, egkezaag kew ǥihapun.

Isaias 9:5

Egkelipey zaan sikandan su egkeengked en is kebpetebtebekà. Ebinsulan is menge yunipurmi te menge sundaru he nengelupit te lengesa, ragkes en is menge butas dan.

Jeremias 25:9

ibpesurung ku sikiyu te menge etew ziyà te zizaya he ebpenguluwan te suluǥuen ku he si Hadì Nebucadnezar he hadì te Babilonia. Edsurungen dan heini he tanà wey is langun he meǥinged kayi, ragkes en is langun he menge nasyun diyà te nekeelingkus kayi. Ebpurungan ku sikiyu edezeeti, ne egkeheratan is menge etew he ebpekaahà te egkehitavù keniyu ne egkehimu kew he telemayen. Uya, egkezeetan kew taman te taman.

Jeremias 4:7

Edsurung en is ebpendezaat te menge nasyun he henduen be te erimaung he migawas puun te elesè din. Migenat en sikandin puun te inged din su edezeetan din is tanè niw. Ebengkaǥen din is menge inged niw taman te kenè en egkehimu he ed-ubpaan.

Penhulùhulù 3:30

Emun duen edtabpi kenikew, ne itaan nu is enaping nu. Ne zewata nu is ked-insultuwi kenikew te menge kuntada nu.

Ezekiel 21:32

Egkehimu kew he tavun, ne edtudà is lengesa niw keniyan te tanè niw. Ne kenè kew en egketenuzan. Iyan a, is Nengazen, is migkaǥi kayi.”

Ezekiel 24:2

“Sikew is etew, isurat nu is pitsa kayi he andew, su kayi he andew ebpuun en edsurung diyà te Jerusalem is hadì te Babilonia.

Daniel 9:25

“Kinahanglan he egketuenan nu wey egkesavut nu he puun te timpu te kebmandù ku he ed-umanan ebenguna is Jerusalem taman te kebpekeuma te pengulu he pinilì te Megbevayà, ne edlavey is 49 he tuig. Ne seled te 434 he tuig ed-umanan ebenguna is Jerusalem he zuen din menge pelasa wey pengalang. Ne timpu haazà te kesamuk.

Joel 3:9

Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.

Amos 2:3

Elin ebpatey is hadì dan wey is langun he menge upisyal zin. Iyan a, is Nengazen, is migkaǥi kayi.”

Habakuk 1:6

Su edhimuwen ku he gemhanan is menge tig-Babilonia. Heini he menge etew, utew memesipala ne kenè ne egkesanggen he edsurung diyà te zuma he menge nasyun su wey zan maaǥew is menge lugar he kenà kandan.

Habakuk 3:16

Migkaǥi si Habakuk te, “Hein nezineg ku is impahayag te Nengazen kayi te kedì, migkerker is tivuuk he lawa ku ragkes en is bivig ku tenged te kegkahandek ku. Midluyahan a ne migkerker is menge paa ku. Ne tenged kayi te impahayag te Nengazen, ne kenà a edarà is edtaǥad te timpu te kedsiluti zin te menge midsurung kenami.

Deuteronomio 28:49

“Ketau te Nengazen he surunga kew te sevaha he nasyun he ziyà te utew meziyù, he kenè niw egkesavut is kineǥiyan dan. Iring dan te kulaǥu he edawi zutun te kedsurunga zan keniyu.

Deuteronomio 33:27

Iyan eputè niw is wazà pidtemanan he Megbevayà; edlig-enan kew zin pinaaǥi te gehem din he wazà pidtemanan. Ibpesegseg din keniyu is menge kuntada niw, ne edsuǥuen kew zin te kedezaat kandan.

Zatù 17:7

Duen sevaha he vetan-en he maama he tig-Betlehem he sakup te Juda. Sevaha sikandin he Levihanen he midteǥaad med-ubpà duma te tribu ni Juda.