Micas 4:13 - Manobo Western Bukidnon OT

¹³ “Sikiyu is menge meǥinged diyà te Zion, genat kew en ne zèdeeti niw is menge kuntada niw he iring te egunas kew te menge pungu. Su edhimuwen ku sikiyu he iring te tudu he vaka he putew is menge sungey zin ne brunsi is menge sulu zin. Edrunteken niw is mahabet he menge etew ziyà te menge nasyun he midtiǥum te kebpekidtebek keniyu. Ne is menge ketiǥeyunan dan he nekuwa zan pinaaǥi te kebpesipala ne idhalad niw kayi te kedì te Nengazen he iyan ebayàbayà te tivuuk he kelibutan.”

Micas 4:13 교차 참조

Salmo 24:1

Is kelibutan wey is langun he ed-ubpà kayi, ne gaked te Nengazen.

Salmo 68:29

Tenged te valey nu ziyà te Jerusalem ed-uwit is menge hadì te ǥasa zan kenikew.

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Isaias 18:7

Piru zuen timpu he egkeuma he zutun edawat is Nengazen he Mekeǥeǥehem te gasa he ebpuun kayi te tanà he nevahin pinaaǥi te zezekelà he menge wahig. Ibeǥey heini te menge etew kayi he memelangkew wey memetilak is kedlulundis. Mekeǥeǥehem sikandan ne igkikinehendekà diyà te minsan hendei. Ed-uwiten dan is menge gasa zan diyà te Buvungan he Zion, he zutun ebeǥayi te zengeg is Nengazen he Mekeǥeǥehem.

Isaias 21:10

Ne migkaǥi a te, “Sikiyu is menge emurè ku te inged he menge Israilihanen, he henduen be te trigu he migunas, edtudtulen ku keniyu is nezineg ku ziyà te Nengazen he Mekeǥeǥehem, he Megbevayà te Israel.”

Isaias 23:18

Piru ziyà te huziyan he timpu, is genansya zin ne kenà edtipiǥan, kekenà, idhalad diyà te Nengazen su wey ikepemesa te zekelà he keenen wey meupiya he menge visti he para te menge etew he ebpenilbi te Nengazen.

Isaias 5:28

Merewidit is basut te menge panè dan ne naandam en is menge panè dan. Is sulu te menge kudè dan iring te utew mezesen he vatu, henduen be te eribpures is kegketileng te ligid te menge kerwahi zan.

Jeremias 51:20

Migkaǥi is Nengazen te, “Babilonia, iyan ka masu ku wey ǥumaan ku te tebek. Pinaaǥi kenikew edezeetan ku is menge nasyun wey menge ginhedian,

Jeremias 51:33

Migkaǥi is Nengazen he Mekeǥeǥehem, he Megbevayà te Israel te, “Is Babilonia iring te trigu he meǥaan en egkeuma is timpu te kedreǥuna kandin.”

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Hoseas 10:11

Dengan ebpeeyehey kew zà; iring kew te zumeraǥa he vaka he nelayam he ibpeǥunas he ingkesuat din heini he terebahu. Piru ǥuntaan edlislisezen ku sikiyu is menge tig-Israel ragkes en is menge tig-Juda; egkeiring kew te zumeraǥa he vaka he ed-eyuǥuwan is tengel zin he wazè pa kubali, ne id-eradu.

Micas 5:7

“Is egkesamà he menge Israilihanen, ebpekeuwit te keupiyaanan diyà te mahabet he menge nasyun. Egkeiring sikandan te mahames he keramag wey uzan he ibpaaǥi te Nengazen su wey meketuvù is menge pinemula. Edsarig dan diyà te Megbevayà ne kenà diyà te etew.

Habakuk 3:12

“Tenged te utew nu kegkepauk midhipenawan nu is kelibutan ne midtekutakan nu is menge nasyun,

Zacarias 12:3

Dutun he andew edhimuwen ku is Jerusalem he iring te meveǥat he vatu. Ne is minsan hengkey he nasyun he ebitbit kayi ne egkesazir. Is langun he menge nasyun kayi te kelibutan edsevaha te kedsurung diyà te Jerusalem.

Zacarias 12:6

“Dutun daan he andew edhimuwen ku is menge pengulu te Juda he iring te egkeregreg he vaǥa ziyà te rapug etawa vinagkes he seresag he mesiǥa. Edezeetan dan is menge nasyun diyà te peliǥuy zan. Ne kenè mulà egkemenu is menge etew ziyà te Jerusalem dutun te kandan he lugar.

Zacarias 4:14

Umbe, migkaǥi sikandin te, “Iyan kehuluǥan keniyan is dezuwa he etew he mibpilì para mekepenilbi te Nengazen he ebayàbayà te tivuuk he kelibutan.”

Zacarias 6:5

Midtavak haazà is belinsuǥuen, “Iyan heeyan heepat he mulin-ulin diyà te langit he migawas puun te etuvangan te Nengazen te kedtuman te ebpeveelan kandan kayi te tivuuk he kelibutan.”

Deuteronomio 33:25

Berakat he is menge pultahan te menge inged dan ne putew wey brunsi is biǥer zan, wey verakat he kenà maawà is kegkemekeǥeǥehem dan mintras uuyag dan pa.

Josue 6:19

Piru is langun he menge azen he pelata, bulawan, brunsi, etawa putew, ne para heini te Nengazen, ne kinahanglan he idtaǥù diyà te teleǥuey te ketiǥeyunan te Nengazen.”