Micas 4:11 - Manobo Western Bukidnon OT

¹¹ Guntaan mahabet he menge etew ziyà te menge nasyun is midtiǥum su ebpekidtebek dan keniyu. Ke sikandan te, ‘Ebpeel-elezan tew is menge tig-Zion! Ne zutun ed-ahaan tew is mekeeled-eled he kebpekesavuk dan.’

Micas 4:11 교차 참조

Salmo 129:5

Berakat he ebpekepekeziyù tenged te kegkeeled is langun he edumut te Zion.

Salmo 83:5

Nesevaha sikandan te mezaat he pelanu zan. Mid-uyun sikandan te kegkuntada kenikew.

Isaias 10:7

Piru kenà egketuenan te hadì te Asiria he egemiten dà sikandin te Nengazen. Kunaan din ke ebpendezeetan din dà is mezakel he menge nasyun.

Isaias 17:12

Is keǥurub diyà te mahabet he menge etew, iring te deǥurus te zezekelà he menge vaǥel.

Isaias 29:7

Egkahanew iring te teǥeinep is mahabet he menge nasyun he nekidtebek te Jerusalem wey mibengkag te verengbeng kayi. Egkeiring sikandan te etew he neketeǥeinep he egkaan, piru kegkepukew zin ne egkevitil pa sikandin, etawa iring te etew he neketeǥeinep he ed-inum, piru te kegkepukew zin ne egkemezahan pa sikandin.”

Jeremias 52:4

Umbe, hein ikesiyam he tuig te kedhadì din, dutun te ikesepulù he andew te ikesepulù he vulan, nenurung si Hadì Nebucadnezar he hadì te Babilonia wey is langun he menge sundaru zin diyà te Jerusalem. Migkampu zan diyà te ǥawas te inged ne mibaal zan te menge turi-turi te peliǥuy kayi.

Ezekiel 26:3

Umbe iyan a, is Nengazen he MEGBEVAYÀ, migkaǥi he egkuntrahan ku is menge tig-Tyre. Ibpesurung ku heini te mahabet he menge nasyun, he edasmag iring te menge vaǥel.

Ezekiel 38:17

Mibpedayun megkaǥi is Nengazen he MEGBEVAYÀ te, “Te nehuna he timpu impahayag ku pinaaǥi te ebpemeneuven diyà te Israel he menge suluǥuen ku, he ziyà te huziyan he menge andew duen edsurung diyà te Israel. Ne iyan ka ibpesavut ku he edsurung.

Obadias 1:12

Wazè kew pezem melipey zutun te timpu te kezeetan te menge etew ziyà te Juda he kezuzumahi niw. Wazè kew pezem medlipeylipey zutun te timpu te kegkezeeti kandan. Wey wazè kew pezem mebpegalbu zutun te kelised dan.

Micas 7:10

Egkaahà heini te menge kuntada tew ne egkepeel-elezan sikandan. Su hein aney ne edsudien kiw zan he ke sikandin te, ‘Hendei en is Nengazen he Megbevayè niw?’ Kenà egkeuǥet egkeehè tew is kegkezeeti zan. Egkeiring sikandan te vasak diyà te kersada he edtekutakan.”

Zacarias 12:3

Dutun he andew edhimuwen ku is Jerusalem he iring te meveǥat he vatu. Ne is minsan hengkey he nasyun he ebitbit kayi ne egkesazir. Is langun he menge nasyun kayi te kelibutan edsevaha te kedsurung diyà te Jerusalem.