Micas 3:7 - Manobo Western Bukidnon OT

⁷ Egkepeel-elezan kew utew is menge ebpeneuven wey menge menenagnà. Igkezilung niw is buked niw tenged te kegkeeled, su wazè niw en egkezawat he menge lalag he ebpuun te Megbevayà.

Micas 3:7 교차 참조

Salmo 74:9

Wazè en tuus te kebpekiduma nu kenami; wazè en nesamà duen te ebpemeneuven nu, ne wazè en netau kenami ke keenu egkeengked heini is pesipala kenami.

Exodus 9:11

Ne wazè en mekepeǥiewǥiew ziyà te ki Moises sikan is menge selemengkiru su mibpenlevaǥan en daan sikandan iring te langun he menge Ehiptohanen.

Isaias 44:25

Wazè ku mehimuwa he metuman is menge tagnà te teruen he menge ebpeneuven. Ne edhimuwen ku he menge tulebung is menge menenagnà. Edhimuwen ku he kenà medselir is ketau te menge uluwanen, wey edhimuwen ku he kenà ebpulus is netuenan dan.

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Ezekiel 24:17

Diyè nu zà te ǥehinawa nu izag-es is kesakit kayi. Kenè ka lalew. Kenè nu puwasa is tengkulu nu wey kenè nu pul-uta is sandalyas nu, wey kenè nu tembuni is buked nu te kebpaahà he neseeng ka. Kenè ka zaan kaan te menge keenen he para te edlalew he mibpetayan.”

Ezekiel 24:22

Ne ebeelan niw is mibeelan ni Ezekiel. Kenè niw tembuni is buked niw, ne kenè kew egkaan te keenen he para te edlalew he mibpetayan.

Leviticus 13:45

Is etew he zuen din daru te lundis kinahanglan he mebivisti te vindas he visti, kenà mebpenuwat te vulvul zin, ne tembuni zin is dizalem he vahin te zagwey zin ne mebensag sikandin te, “Meremerik a! Meremerik a!”

Amos 8:11

Migkaǥi pa is Nengazen he MEGBEVAYÀ te, “Egkeuma is timpu he ibpaaǥi ku is bitil ziyà te tanè niw. Piru kenà heini vitil te keenen etawa kegkemezahi te wahig, kekenà, bitil heini wey kegkemezahi te kebpemineg te menge lalag ku.

Micas 3:4

Dutun te timpu te kedsiluti keniyu ebuyù kew te tavang diyà te Nengazen, piru kenè kew zin edtevangan; ed-iniyuǥan kew zin tenged te mezaat he menge vaal niw.

Micas 7:16

Ne emun egkaahà heini te menge etew ziyà te menge nasyun ne egkepeel-elezan dan minsan gemhanan sikandan. Ne kenè dan en edlalag wey ebpemineg te menge kedsudia kenami.

Zacarias 13:4

Dutun he timpu igkeeled en te menge ebpeneuven is migkaǥi zan he nelewasan dan. Kenè en sikandan ebivisti te bulvulen he visti te ebpeneuven he iyan egemiten dan te kedlimbung.

1 Samuel 14:37

Umbe, mibpekisayud si Saul ziyà te Megbevayà te, “Edsurungen dey ve is menge Filistihanen? Ibpezaag nu en be kenami sikandan?” Iyan, wazà medtavak is Megbevayà te haazà he andew.

1 Samuel 28:15

Migkeǥiyan ni Samuel si Saul te, “Maan is midsamuk a kenikew pinaaǥi te ked-umawa nu kedì?” Midtavak si Saul te, “Duen dekelà he prublima ku. Mibpekidtebek kedì is menge Filistihanen ne mid-iniyuǥan a te Megbevayà. Wazè e zin en tevaka, minsan pinaaǥi zà te menge ebpeneuven wey te menge teǥeinep. Umbe impeumew ku sikew su wey a kenikew mekeǥiyi ke hengkey is ebeelan ku.”

1 Samuel 28:6

Ne zutun mid-insaan din is Nengazen, ne wazà sikandin tevaka te Nengazen minsan te teǥeinep dà, wey pinaaǥi te Urim wey te menge ebpeneuven.

1 Samuel 9:9

Migkeǥiyan ni Saul sikandin te, “Meupiya utew! Kuwa ke en, edhendiyè ki te ebpeneuven.” (Te nehuna en he menge penahun te Israel, emun duen etew he egkesuat he ebpekezineg te lalag he ebpuun te Megbevayà, egkaǥi te, “Kuwa ke en, edhendiyè ki te menenagnà,” su is egngezanan guntaan te ebpeneuven ne iyan ngazan din dengan is menenagnà.) Midhendiyà si Saul wey kes suluǥuen te inged he zutun med-ubpà kes ebpeneuven te Megbevayà.