Micas 3:12 - Manobo Western Bukidnon OT

¹² Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”

Micas 3:12 교차 참조

Salmo 107:34

Midhimu zin he wazà pulus duen te meupiya he tanà, su ǥeina te menge lalung is nen-ubpà duen.

Salmo 79:1

He Megbevayà, midsurung te meǥinged diyà te senge nenasyun is meǥinged diyà te tanà he ǥaked nu. Midremerikan dan is segradu he valey nu ne midezeetan dan is Jerusalem.

Isaias 32:14

Is inged he mezakel zengan is mid-ubpà duen, ne kenè en maan ed-ubpaan. Is melig-en he menge vahin kayi, ebey-anan en. Is mibuntud-buntud wey turi kayi egkeiring te sibsivayan minsan keenu. Edriǥuriǥu kayi is menge asnu ne ebpemenabtab is menge langgam.

Jeremias 17:3

ragkes is diyà te menge vuvungan diyà te vevesukà. Umbe ibpaaǥew ku te menge kuntada niw is menge ketiǥeyunan niw wey menge azen niw, ragkes en is menge simbahan niw ziyà te metikang he menge lugar, tenged te salà he neveelan kayi te tivuuk he nasyun.

Jeremias 22:5

Piru emun kenè niw edtumanen heini he menge suǥù, ne ibpenangdù ku he egkezeetan heini he turuǥan, ne siak is Nengazen, egkeǥiyen ku keniyu he kenà egkehimu he kenà heini egketuman.’ ”

Jeremias 22:6

Iyan heini migkaǥi te Nengazen bahin duen te turuǥan te hadì te Juda: “Diyà te kediey iring is kekempet kayi te kekempet te Gilead etawa puntur te vuntud he Lebanon. Piru siguradu he edhimuwen ku heini he disirtu, iring te inged he wazà duen ed-ubpà

Jeremias 26:18

“Hein si Hezekia pa is hadì te Juda, si Mica he tig-Moreshet, midtudtul zin diyà te langun he menge etew kayi te Juda is menge lalag te Nengazen. Ke sikandin te, ‘Migkaǥi is Nengazen he Mekeǥeǥehem he edezeetan is Zion, is inged te Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he mibengunan te valey te Nengazen.’

Jeremias 35:17

Umbe, siak, is Nengazen he Megbevayà he Mekeǥeǥehem, he Megbevayà te Israel, migkaǥi te: Pemineg kew! Is menge etew ziyà te Juda wey Jerusalem, ibpaaǥi ku ziyà te keniyu is langun he kezeetan he migkaǥi ku he idezaat keniyu. Mibpekidlalag a keniyu piru wazà a keniyu pemineǥa; mid-umew ku sikiyu piru wazè kew medtavak.”

Jeremias 44:2

Iyan heini migkaǥi te Nengazen he Mekeǥeǥehem, he Megbevayà te Israel: “Neehè niw is dekelà he kezeetan he impeseǥazan ku ziyà te Jerusalem wey ziyà te langun he menge inged diyà te Juda. Nengevengkag en heini ne wazè en duen ed-ubpà

Jeremias 52:13

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

Jeremias 9:10

Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Jeremias 9:11

Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Penhulùhulù 5:18

Su mekevulungbulung en is Buvungan he Zion, ne iyan dà edriǥuriǥu kayi is leew he menge asu.

Micas 1:6

Umbe, migkaǥi is Nengazen te, “Edezeetan ku is Samaria ne kenè en heini egkeubpaan, kekenà, ebpemulaan dà te paras. Edlilizen ku is menge vatu kayi pehendiyà te suǥud taman te ebpekelepew is menge pundasyun kayi.