Micas 2:5 - Manobo Western Bukidnon OT

⁵ Umbe, wazè en menge kevuwazan niw he ebpekezawat te keniyu he vahin dutun te timpu keuzemà emun ebehinen te Nengazen is tanà he id-ulì diyà te kandan.

Micas 2:5 교차 참조

2 Hadì 17:23

taman te impaawà sikandan te Nengazen diyà te lugar zan ne nekepekeziyù sikandan kandin, sumalà is impetizaan din kandan pinaaǥi te menge suluǥuen din he mibpenaub din. Umbe mibihag te menge tig-Asiria is menge etew ziyà te Israel ne ziyà sikandan mekeubpà taman en guntaan.

1 Cronica 16:18

Migkaǥi sikandin diyà te kada sevaha kandan te, “Ibeǥey ku kenikew is tanà he Canaan ne egkepengevilin nu heini wey te menge kevuwazan nu.”

Nehemias 7:61

Duen daan 642 he nemen-ulì diyà te Jerusalem he ebpemuun diyà te menge inged he Tel Mela, Tel Harsha, Kerub, Adon wey Imer. Heini sikandan menge kevuwazan ni Delaya, ni Tobia, wey ni Nekoda, piru kenè dan igkepaahà is puriba he menge Israilihanen sikandan.

Salmo 16:6

Utew mekempet is imbeǥey nu kediey. Meupiya utew is langun he nezawat ku he ebpuun diyà te kenikew.

Hoseas 9:3

Ed-awè kew kayi te Israel he tanà te Nengazen, ne edlikù kew ziyà te Ehipto. Is duma keniyu edhendiyà te Asiria, ne zutun egkaan kew te menge keenen he mid-isip niw he meremerik.

Numero 34:13

Ne migkaǥi si Moises diyà te menge Israilihanen, “Behina niw heini is tanà he egkepengevilin niw pinaaǥi te ripa. Migkaǥi is Nengazen he ibeǥey heini ziyà te siyam wey tengà he tribu.

Numero 34:16

Migkaǥi is Nengazen diyà te ki Moises te,

Deuteronomio 23:2

“Is etew he ingkeǥingey zà ne kenà egkehimu he edtampu te upakat he para te Nengazen ragkes en is menge kevuwazan din taman te ikesepulù he lapis.

Deuteronomio 23:8

Is menge kevuwazan dan diyà te iketelu he lapis, ne egkehimu en he edtampu ziyà te menge etew te Nengazen.

Deuteronomio 32:8

Su hein mibeǥayan te Levew he Megbevayà is menge nasyun te tanè dan wey hein mibahinbahin din en is menge etew zutun, ne zuen dulunà te uman grupu kandan he insavuk din sumalà is kezakel te menge velinsuǥuen din.

Josue 18:10

Ne pinaaǥi te kedripa mibeǥayan ni Josue te kandan he vahin is menge tribu te Israel he wazè pa kandan he tanà.

Josue 18:4

Pilì kew te tigtetelu he etew ziyà te kada tribu niw. Ibpesusi ku kandan is tivuuk he tanà su para mesevuki zan te tuus is egkesuatan dan te ed-angken. Ne edlikù sikandan kayi te kediey he ed-uwit te vineelan dan he mapa he egkeehè ta zutun ke ebmenmenuwen heini te kebahin.