Micas 1:13 - Manobo Western Bukidnon OT

¹³ “Sikiyu is menge meǥinged diyà te Lakish, senggari niw te menge kerwahi is menge kudè niw ne pelaǥuy kew. Mid-iringan niw is salà te menge tig-Israel, ne tenged keniyu mibaal zaan te salà is menge tig-Zion.

Micas 1:13 교차 참조

Genesis 19:17

Ne hein diyè dan en te ǥawas, migkaǥi is sevaha he velinsuǥuen diyà te ki Lot te, “Pelaǥuy kew en! Kenè kew lilingey wey kenè kew teren kayi te menge suǥud. Diyè kew petandang te menge vuvungan para kenè kew meragkes mepatey.”

1 Hadì 14:16

Ebey-anan din sikandan tenged te menge salà ni Jeroboam, he nehimu he hinungdan te kebpekesalà te menge tig-Israel.”

1 Hadì 16:31

Ne kurang pa ziyà te kandin is ked-iring te menge salà he mibeelan ni Jeroboam, kekenà, mid-esawa zin si Jezebel he anak ni Hadì Etbaal he tig-Sidon, ne nenilbi sikandin wey mid-azap te ed-ezapen he si Baal.

1 Hadì 4:28

Ebeǥey zaan sikandan te barli wey kumpey he para te menge kudà he para te kerwahi wey te zuma pa he menge kudà. Ed-uwiten dan heini ziyà te lugar he ereg he ed-uwitan kayi zutun te midtendek he timpu te kebeǥey zan.

2 Hadì 14:19

Dutun he timpu, duen menge etew he ebpelanu edhimatey ki Amazia ziyà te Jerusalem, umbe mibpelaǥuy sikandin diyà te Lakish. Piru mibpetelukunan dan sikandin diyà te Lakish. Ne midhimetayan sikandin dutun.

2 Hadì 18:17

Ne zutun te ziyà si Senakerib te Lakish, midsuǥù din is lavew he peremandar te menge sundaru zin, is egalen he upisyal zin, wey is peremandar te menge sundaru zin he zuen din mahabet he menge sundaru he medhendiyè dan te Jerusalem te kepekid-ahà ki Hadì Hezekia. Ne hein diyè dan en te ǥawas te Jerusalem, mibpundu zan diyà te uvey te edtudaan te wahig he ebpuun diyà te peneng, he ziyà te egkezivavew he ziyà te kilid te zalan he ibpehendiyà te lugar he pemìpiey.

2 Hadì 8:18

Midsunud din is mibeelan te menge hadì te Israel, iring te mibeelan te pemilya ni Ahab, su neesawa zin is anak ni Ahab. Mezaat is ulaula zin diyà te etuvangan te Nengazen.

2 Cronica 11:9

Adoraim, Lakish, Azeka,

2 Cronica 32:9

Ne zutun te kedliǥuyi ni Hadì Senakerib wey te menge sundaru zin te Lakish, midsuǥù din is menge upisyal zin pehendiyà te Jerusalem te kegkaǥi kayi he menge lalag diyà te ki Hadì Hezekia wey te menge etew zutun:

Job 39:10

Egkehiketan nu ve heini ne igkeeradu nu ziyà te vevesukè nu?

Exodus 32:21

Ne migkaǥi sikandin diyà te ki Aaron te, “Hengkey is mibeelan kayi te menge etew ziyà te kenikew? Su maan is midtuǥutan nu sikandan te kebaal te zekelà he salà?”

Isaias 10:31

Nemelaǥuy en is menge meǥinged te Madmena wey Gebim.

Isaias 36:2

Ne zutun te ziyà si Senakerib te Lakish, midsuǥù din is peremandar te menge sundaru zin duma te mahabet he menge sundaru he menge sakup din te kedhendiyà te Jerusalem te kebpekidhinguma ki Hadì Hezekia. Ne hein diyè en is peremandar te gawas te inged he Jerusalem, diyà sikandan mebpundu te uvey te veyeey te wahig he ebpuun diyà te egkezivavew he peneng, he ziyà dapit te zalan he ibpenhendiyà te pemìpiey.

Isaias 37:8

Ne hein nezineg duen te peremandar te menge sundaru te Asiria he mid-awè en diyà te Lakish is hadì dan, ne nekidtebek diyà te Libna, midtelukun sikandin diyà.

Jeremias 3:8

Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Jeremias 34:7

Dutun he timpu midsurung te menge sundaru te hadì te Babilonia is Jerusalem, Lakish, wey Azeka. Iyan dà heini nesamà te menge vinerengbeng he menge inged diyà te Juda.

Jeremias 4:29

Tenged te keǥurub te ebmartsa he menge pereuntud te kudà wey menge mememanà, nemelaǥuy tenged te kegkahandek is menge meǥinged diyà te menge inged. Is duma ziyà mebpelaǥuy te ketelunan, wey is duma midtekezeg diyà te menge vetuwen. Mid-ewaan is langun he menge inged ne wazè en dutun meǥinged.

Ezekiel 23:11

“Minsan pa te naahà ni Oholiba is nehitavù te suled din, mibpedayun gihapun sikandin mebelegyà te zengeg din, ne midlavew pa is kandin he kezaat te kezaat duen te suled din.

Micas 1:5

Egkehitavù heini is langun tenged te mibaal te salà is menge etew te Israel wey Juda. Is menge tig-Samaria, iyan midtukù te zuma he menge meǥinged diyà te Israel te kebaal te salà. Is menge tig-Jerusalem, iyan midtukù te zuma he menge meǥinged diyà te Juda te ked-azap te zuma he menge ed-ezapen.

Josue 10:3

Umbe, mibpeuwit te lalag si Adoni Zedek diyà te ki Hadì Hoham he hadì te Hebron, ki Hadì Piram he hadì te Jarmut, ki Hadì Jafia he hadì te Lakish, wey ki Hadì Debir he hadì te Eglon he ke sikandin te:

Josue 15:39

Lakish, Bozkat, Eglon,