Micas 1:1 - Manobo Western Bukidnon OT

¹ Iyan heini menge lalag te Nengazen bahin te Samaria wey Jerusalem. Impahayag din heini ziyà te ki Micas he tig-Moreshet dutun te timpu te kedhadì ni Jotam diyà te Juda, ne neketinundug kandin te kedhadì si Ahaz, wey si Hezekia. Migkaǥi si Micas te,

Micas 1:1 교차 참조

2 Hadì 15:32

Nehimu he hadì diyà te Juda si Jotam he anak ni Uzia hein ikezuwa he tuig te kedhadì ni Peka he anak ni Remalia ziyà te Israel.

2 Hadì 15:5

Impaantus te Nengazen te melimezang he zaru te lundis si Azaria taman en te andew te kebpatey zin. Diyà sikandin med-ubpà te nekesivey he valey. Iyan si Jotam he anak din, nengulu ziyà te turuǥan wey te menge etew ziyà te Juda.

2 Hadì 16:1

Nehimu he hadì diyà te Juda si Ahaz he anak ni Jotam hein ike-17 he tuig te kedhadì ni Peka, he anak ni Remalia, diyà te Israel.

2 Hadì 18:1

Nehimu he hadì diyà te Juda si Hezekia he anak ni Ahaz hein iketelu he tuig te kedhadì ni Hoshea diyà te Israel te anak ni Elah.

2 Cronica 28:1

Mibpenuiǥen si Ahaz te 20 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 16 he tuig. Mezaat is ulaula zin diyà te etuvangan te Nengazen, kenà iring te mibeelan te kepuun din he si David.

2 Cronica 29:1

Mibpenuiǥen si Hezekia te 25 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 29 he tuig. Is iney zin iyan si Abia he anak ni Zacarias.

Isaias 1:1

Heini he libru, ne mehitenged te impahayag te Megbevayà diyà te ki Isaias he anak ni Amoz. Ne heini, mehiten ged te Jerusalem wey Juda hein kedhadì diyà te Juda ni Uzia, ne nesunuzan ki Jotam, ki Ahaz, wey ki Hezekia.

Isaias 1:2

Pemineg ka is langit wey is tanà, su migkaǥi is Nengazen te, “Mid-elimahan ku wey impezekelè ku is menge Israelinhon he menge anak ku, piru midsukul sikandan kediey.

Isaias 7:1

Si Ahaz he anak ni Jotam wey apù ni Uzia, hein hadì sikandin diyà te Juda, duen midsurung diyà te Jerusalem. Is nenurung iyan si Hadì Rezin he hadì te Aram wey si Hadì Peka he hadì te Israel, he anak ni Remalia. Piru wazè dan maaǥew is Jerusalem.

Jeremias 26:18

“Hein si Hezekia pa is hadì te Juda, si Mica he tig-Moreshet, midtudtul zin diyà te langun he menge etew kayi te Juda is menge lalag te Nengazen. Ke sikandin te, ‘Migkaǥi is Nengazen he Mekeǥeǥehem he edezeetan is Zion, is inged te Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he mibengunan te valey te Nengazen.’

Hoseas 1:1

Heini he menge lalag impahayag te Nengazen diyà te ki Hoseas he anak ni Beeri dutun te timpu te kedhadì ni Uzia ziyà te Juda, pehendiyà te ki Jotam, ki Ahaz, wey ki Hezekia, ne timpu zaan haazà te kedhadì ni Jeroboam diyà te Israel he anak ni Joash.

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Hoseas 8:14

Midlipatan te menge tig-Israel is midlimbag kandan. Sikandan wey is menge tig-Juda mibangun te menge turuǥan wey mahabet he menge inged he midliǥuy te verengbeng. Piru ebinsulan ku is menge inged dan wey is menge melig-en he menge vahin kayi.”

Amos 1:1

Iyan heini menge lalag ni Amos he tig-Tekoa he perevantey te menge kerehidu. Heini he menge lalag, ne mehitenged te Israel. Impezayag heini te Megbevayà diyà te kandin hein dezuwa pa he tuig human egkehitavù is linug, hein timpu he si Uzia iyan hadì diyà te Juda ne si Jeroboam he anak ni Joash iyan hadì diyà te Israel.

Amos 6:1

Kehizu niw te menge pengulu ziyà te Zion wey Samaria, he ebpeeyehey zà he wazà igkeipeng. Mid-isip niw is keugelingen niw he dungganen he menge etew ziyà te lavew he nasyun, ne iyan kew edengepan te menge meǥinged diyà te keniyu.

Micas 1:5

Egkehitavù heini is langun tenged te mibaal te salà is menge etew te Israel wey Juda. Is menge tig-Samaria, iyan midtukù te zuma he menge meǥinged diyà te Israel te kebaal te salà. Is menge tig-Jerusalem, iyan midtukù te zuma he menge meǥinged diyà te Juda te ked-azap te zuma he menge ed-ezapen.

Micas 3:9

“Sikiyu is menge pengulu te Israel wey Juda, pemineg kew! Igkeepes niw is metazeng he kukuman ne mibulegkù niw is hustu.

Habakuk 1:1

Iyan heini menge lalag te ebpeneuven he si Habakuk he impahayag te Nengazen diyà te kandin.