Megwewali 8:9 - Manobo Western Bukidnon OT

⁹ Neehè ku heini langun hein mid-isip-isip ku is mehitenged te minsan hengkey he ebpen-ul-ulahan kayi te kelibutan, iring te emun is sevaha he etew he zuen din gehem te kedezaat te zuma zin he etew.

Megwewali 8:9 교차 참조

2 Hadì 25:7

Midhimetayan diyà te etuvangan din is menge anak din he menge maama. Ne midluǥit is menge mata zin, ne migkedinahan sikandin is mid-uwit diyà te Babilonia.

Exodus 14:28

Nengelened is langun he menge sundaru te hadì te Ehipto he edal-as te menge Israilihanen ragkes en is menge pereuntud te kudà wey menge kerwahi. Wazà minsan sevaha he nesamà kandan.

Megwewali 1:14

Neehè ku is langun he ebpen-ul-ulahan kayi te kelibutan, ne wazè din menge pulus; iring dà te edal-as a te keramag.

Megwewali 3:10

Neehè ku is menge vuluhaten he imbeǥey te Megbevayà he igkeipeng te etew.

Megwewali 3:16

Neehè ku he kayi te kelibutan he kelelalung is ebpedayun, ne kenà iyan is hustu he kukuman wey ketazeng.

Megwewali 4:1

Ne neehè ku is menge kebpenlupig kayi te kelibutan. Neehè ku is menge luhà te menge edèdaaǥen, ne wazà ebpekelangan wey edlig-en kandan. Dekelà is gehem te menge edaagdaag kandan.

Megwewali 5:13

Duen pa neehè ku kayi te kelibutan he kenà meupiya: Is ketiǥeyunan te sevaha he etew egkehimu he ebpekezezaat kandin

Megwewali 5:7

Is subra he kebpeneǥeinep wey kegkaǥi ne wazè din pulus. Umbe tehuza nu is Megbevayà.

Megwewali 5:8

Kenè ka meinuinu emun egkeehè nu ziyà te inged niw he edèdaaǥen is menge pubri, ne kenà ibeǥey kandan is hustu he kukuman wey kenà ebeliyen is ketenged dan. Su haazà is upisyal he edlupiglupig kandan edlevanan te upisyal he lavew kandin, ne heini is dezuwa edlevanan te upisyal he lavew pa kandan.

Megwewali 7:25

Piru mibpedayun a he ed-istudyu wey edsusi, su wey a mekaangken te ketau wey tavak te menge insè ku, wey para mesavut ku ke maan is tulebung is etew he ebaal te mezaat ne taleng is etew he edtinulebung.

Megwewali 7:7

Is metau he etew egkehimu he tulebung emun ebpenlimbung sikandin wey mekeselapì. Su emun ebpesipsip ka ne paaǥi heeyan te kedezeeti nu te ked-etew nu.

Deuteronomio 2:30

Piru wazè kiw ipevayà ni Hadì Sihon he hadì te Heshbon. Su mibpekezesen te Nengazen he Megbevayè niw is gehinawa zin su ibeǥey zin sikandin diyà te kenitew, ne imbeǥey zin en iyan.