Ne wazà hanew te etew ke keenu heeyan egkehitavù. Umbe iring is etew te tagbis he nelitag etawa isdà he nepuket; egkebiktima sikandin te mezaat he hitavù he egketik-ew egkeulaula ziyà te kandin.
Wazà nesayud ke hengkey is meupiya para kenita te etew seled kayi te mevavà wey wazè din pulus he ked-ubpè ta he iring dà te alung su edlavey zà. Wazà ebpekepenudtul kenita ke hengkey is egkeulaula kayi te kelibutan emun ebpatey ki en.
Ne tenged kayi, neehè ku he wazè en duma pa he meupiya para te etew, kekenà, iyan dà is kedlipey pinaaǥi te hineǥuan din, su para heini kandin. Su wazà ebpekepenudtul te etew ke hengkey is egkeulaula ke ebpatey en sikandin.
Is etew he kenà ebpezumazuma minsan layun en edewaya, ne iyan egkepengkusan din is egkerumpak sikandin diyà te kezeetan ne wazè en paaǥi wey meǥaud sikandin dutun.
Medlipey ka emun meupiya is kebpekesavuk nu. Piru emun edlised ka, tentenuzi nu he iyan is Megbevayà mibeǥey te meupiya he kebpekesavuk wey te kelised. Umbe kenè ta egketuenan ke hengkey is huziyan he egkehitavù.
Ne migkaǥi pa si Haman te, “Kenà taman dà keniyan, kekenà, iyan e zà mid-imbita ni Rayna Ester he eduma te hadì te kedlavung te in-andam din. Ne mid-umanan e zin en maan imbitara te idlavung keeselem duma te hadì.
Kenè nu izantal is ed-ul-ulahan nu wey is meupiya he egkeulaula ziyà te kenikew te huziyan he timpu, su minsan pa is egkehitavù te sunud he andew wazè nu metueni.
Mibpurungan ku is-isipa haazà is langun he egkengeulaula ne netuenan ku he vineyveyaan te Megbevayà is menge vaal te metazeng wey uluwanen he etew. Piru wazà metueni kayi he etew ke gaǥew ve etawa pauk is egkepaabut din.
