Megwewali 8:4 - Manobo Western Bukidnon OT

⁴ Duen gehem te menge suǥù te hadì, ne wazà ebpekesupak kayi.

Megwewali 8:4 교차 참조

2 Samuel 24:4

Piru iyan netuman is ki David dutun, umbe migenat si Joab wey is menge upisyal te menge sundaru te kedpenlista te menge keet-etawan te Israel.

1 Hadì 1:30

he edtumanen ku ǥuntaan sikan is penaad ku kenikew pinaaǥi te ngazan te Nengazen he Megbevayà te Israel, he iyan is anak ta he si Solomon ebpekeilis kedì te kedhadì.”

1 Hadì 2:25

Ne midsuǥù ni Hadì Solomon si Benaya, he anak ni Jehoyada, te kedhimatey ki Adonia, ne midhimetayan din si Adonia.

1 Hadì 2:46

Ne midsuǥù duen te hadì si Benaya he himetayi zin si Shimei. Umbe mid-uwit ni Benaya si Shimei ziyà te guwà ne midhimetayan din. Mid-iseg mebmelig-en haazà is ginhedian he midumala ni Solomon.

Ezra 6:13

Ne midtuman heini ni Tatenai he gubirnedur, ni Shetar Bozenai, wey te menge zuma zan is suǥù ni Hadì Darius.

Job 9:12

Emun duen din egkesuatan te egkuwa, ne wazà ebpekeeǥen kandin. Wazà etew he zuen din gehem te kedriklamu ke hengkey is ebeelan te Megbevayà.

Exodus 1:18

Ne impetawag duen te hadì diyà te Ehipto sikan is menge mengunguyamu ne migkeǥiyan din te, “Maan is midsupak niw is insuǥù ku keniyu? Maan is wazè niw penhimetayi is menge vatà he maama he neuyemuwan niw?”

Erubasa 19:12

Emun egkepauk is hadì ne iring haazà te edhiniǥer he erimaung, iyan, is tavang din igkepetug-iring daan te zehemug he ebpekepetuvù te pinemula.

Erubasa 20:2

Emun egkepauk is hadì henduen be te edhiniǥer he erimaung. Umbe, emun ebaal ka te igkepauk din, ne edhimetayan ke zin.

Erubasa 30:31

is lumansad he manuk, is meemahan he kambing, wey is hadì he edhuna te menge sundaru zin.

Daniel 3:15

Guntaan ebmenduan ku sikiyu te ked-azap duen te ledawan emun egkezineg niw is daǥing te menge instrumintu. Su emun kenè kew ed-azap; segugunè ku sikiyu ibpetimbag duen te egkiràkirà he rapug. Ed-ahaan ta ke zuen be ed-ezapen he ebpekelibri keniyu.”

Daniel 4:35

Kenè en ebpekesusuluwan is menge etew kayi te kelibutan emun idhindeg kandin. Ebeelan din is egkesuatan din diyà te menge velinsuǥuen diyà te langit wey ziyà te menge etew kayi te tanà. Wazà ebpekeeǥen wey ebpekevelavag kandin.’