Megwewali 8:1 - Manobo Western Bukidnon OT

¹ Wazà ebpekerepeng te uluwanen he etew, he metau he edseysey te menge egkengeulaula. Melipayen is kebuvuked te metau he etew ne kenà ebmerembunut.

Megwewali 8:1 교차 참조

Genesis 40:8

Ne midtavak dan te, “Geina te neketeǥeinep key, iyan, wazà ebpekeseysey ke hengkey is kehuluǥan duen te teǥeinep dey.” Ne migkaǥi zutun si Jose te, “Megbevayè dà is ebpekepezayag kenitew te kehuluǥan te menge teǥeinep. Keǥiya niw kun kediey is teǥeinep niw.”

Job 33:23

“Piru emun duen sevaha zuen te linibu he menge velinsuǥuen he ebpeteliwazà diyà te pid-elangan dan te Megbevayà, he ebpetanudtanud kandin ke hengkey is hustu he ereg he ebeelan din,

Exodus 34:35

ne egkaahà te menge Israilihanen is kebpenganlag te zagwey zin. Ne edtembunan din heini taman te edlikù sikandin diyà te Tulda su ebpekidlalag en maan sikandin te Nengazen.

Erubasa 1:6

su wey zan mesavut is ibpesavut te menge erubasa, menge sempità, wey menge peentukà te menge metau.

Erubasa 12:8

Egkezeliǥan is etew pinaaǥi te ketau zin, piru is etew he egketultulebung, edsudien sikandin.

Erubasa 17:24

Is etew he meudseb, egketuenan din ke hengkey is dait he ebeelan din, iyan, is tulebung, minsan hengkey zà duen is ebeelan din.

Erubasa 21:29

Is etew he lalung, ne kenè din igkeseeng is ed-ulaula din, piru is metazeng mulà, ebpurungan din ed-isipa is ed-ul-ulahan din.

Erubasa 24:5

Is etew he uluwanen dekelà is igkeuǥup din he med-iseg is kebpekegaga te menge ebpekidtebek,

Daniel 2:22

Ibpezayag din is mezalem wey ebpemekeeles. Diyà te kandin is kerayag, ne egketuenan din ke hengkey is diyà te merusirem.

Daniel 2:47

Migkaǥi sikandin diyà te ki Daniel te, “Tenged te kedtudtula nu zuen te teǥeinep ku wey kedseysaya nu te kehuluǥan din, ne tutuu iyan he is Megbevayà he ed-ezapen nu ne lavew he mekeǥeǥehem te langun he ebpen-ezapen te menge etew. Iyan sikandin ereg he egkilelaan he Egalen te menge hadì. Ne iyan dà sikandin ebpekepezayag te nekeeles he menge ketutuanan.”

Deuteronomio 28:50

Mesipala sikandan ne wazè dan hizu te menge meǥurang wey menge vatà.