Megwewali 7:7 - Manobo Western Bukidnon OT

⁷ Is metau he etew egkehimu he tulebung emun ebpenlimbung sikandin wey mekeselapì. Su emun ebpesipsip ka ne paaǥi heeyan te kedezeeti nu te ked-etew nu.

Megwewali 7:7 교차 참조

Exodus 23:8

“Kenè kew medawat te sipsip, su is sipsip iyan ebpekepelakap te etew su minsan netuenan din en is tutuu, edtuisen din gihapun is menge lalag te metazeng he etew.

Erubasa 17:23

Is lalung he etew, edewaten din is idsipsip diyà te kandin su para kenà metuman is hustu he kukuman.

Erubasa 17:8

Is etew he edsipsip, kunaan din ke iring te kegkeselemengkiru is kedsipsip su pinaaǥi zutun, egkehimu kun minsan is kenà pezem egkehimu.

Megwewali 4:1

Ne neehè ku is menge kebpenlupig kayi te kelibutan. Neehè ku is menge luhà te menge edèdaaǥen, ne wazà ebpekelangan wey edlig-en kandan. Dekelà is gehem te menge edaagdaag kandan.

Megwewali 5:8

Kenè ka meinuinu emun egkeehè nu ziyà te inged niw he edèdaaǥen is menge pubri, ne kenà ibeǥey kandan is hustu he kukuman wey kenà ebeliyen is ketenged dan. Su haazà is upisyal he edlupiglupig kandan edlevanan te upisyal he lavew kandin, ne heini is dezuwa edlevanan te upisyal he lavew pa kandan.

Megwewali 8:9

Neehè ku heini langun hein mid-isip-isip ku is mehitenged te minsan hengkey he ebpen-ul-ulahan kayi te kelibutan, iring te emun is sevaha he etew he zuen din gehem te kedezaat te zuma zin he etew.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Isaias 33:15

Is ebpekeubpà dutun, iyan is etew he nengungubpaan he metazeng wey tutuu is menge lalag din, ne wazà mebpenapì, wey wazà medawat te sipsip. Wazà sikandin mebpekiduma te mibpelanu te kebpemenhimatey wey te kebaal te zuma pa he mezaat he menge vaal.

Deuteronomio 16:19

Kenè dan bulegkua is hustu he kukuman ne emun edhukum sikandan kinahanglan he wazè dan edlevanan. Kenè dan medawat te suhul su is suhul ebpekepelakap te uluwanen wey metazeng, wey ebpekeipiktu te kedhukum dan.

Deuteronomio 28:65

Wazè niw zutun kelinew wey lugar he egkehimelayan. Edteǥuan kew te Nengazen te handek ne egkaawa is perateng niw, ne layun kew zà egkeseeng.

1 Samuel 12:3

Kayi a ǥuntaan te etuvangan niw, emun duen ingkesilag niw kedì, ne keǥiya niw kedì guntaan kayi te etuvangan te Nengazen wey te hadì he mibpilì din. Duen ku ve mibpeǥespeǥes keniyu te kegkuwaa ku te vaka wey ke asnu ziyà te minsan hentei keniyu? Duen ku ve midlimbungan keniyu etawa midlupiglupiǥ? Wazè ku ve ikula is hustu he kukuman su mibpesuhul a? Emun duen ebpekepenistiǥus he zuen ku neveelan kayi ziyà te minsan hentei keniyu, ne ebeyazan ku heeyan.”

1 Samuel 21:14

Ne zutun migkeǥiyan ni Akish is menge sineriǥan din te, “Ahaa niw! Buneg heeyan he etew! Maan is mid-uwit niw sikandin kayi te kedì?

1 Samuel 8:3

Piru wazè dan sunuza is ulaula te amey zan. Edhuna ziyà te gehinawa zan is selapì, edawat dan te sipsip, wey edtuisen dan is hustu he kukuman.