Megwewali 7:5 - Manobo Western Bukidnon OT

⁵ Meupiya pa ke edsewayen ki te metau he etew kenà te edeliǥen ki te tulebung he etew.

Megwewali 7:5 교차 참조

Salmo 141:5

Mezawat ku is kedawey wey kedsawey kedì te metazeng he etew; kenè ku haazà mevelivezi su iyan idhimuwa zin dutun is tenged te ǥaǥew zin wey keupiya zin kedì. Iyan, is menge lalung mulà layun ku id-ampù he kenà medlampus is mezaat he menge vaal zan.

Salmo 69:12

Iyan a layun ed-ituka te menge etew he ebpemimpinuu ziyà te pultahan te inged, ne egkekanta is egkengelangut te kanta he idsudì kedì.

Erubasa 13:13

Is etew he kenà ebpezumazuma te ibpenurù, iyan edsuǥù kandin he merasey, piru is etew he ebpezumazuma te suǥù, ebpekehendiyà mulà te keupiyaanan.

Erubasa 13:18

Is etew he kenà egkesuat he ebpenuruen, iyan egkepengkusan din is egkepeey-eyuwan wey egkepeel-elezan, iyan, egkezeliǥan mulà is etew he ebpekeventayan din is idawey kandin.

Erubasa 17:10

Is etew he meudseb, kesevaha zà edsewaya ne egkepenurù en, iyan, is tulebung, minsan penletiguwa pa ne kenà egkepenurù.

Erubasa 25:12

Is kedawey te etew he uluwanen te etew he egkesuat he ebpemineg mahal pa heini kenà te elahas he vulawan.

Erubasa 27:6

Is mesakit he kedawey te tutuu he emiǥu duen meupiya he ketuyuan, piru is hazek te kuntada kenà egkeseriǥan.

Erubasa 6:23

Su heini is menge suǥù dan wey menge penurù iring te sulù he ed-anlag diyà te kenikew. Ne is menge kedawey zan kenikew, ebpeketandang te vetasan nu, ebpekeuǥup wey ebpekepeluǥayad te untung nu.

Erubasa 9:8

Kenè nu zewaya is etew he mesudì su và ke zin dà egkeepesi. Iyan nu zewaya is etew he uluwanen su ebmahalen ke zin.

Megwewali 12:11

Is menge lalag te uluwanen he etew iring te medidis he tuked te pereelima te menge uyaǥen he egemiten din te kegiya zuen te ebpen-elimahan din, wey iring daan heini te ransang he ebpurung ed-uteng. Imbeǥey heini te Megbevayà he iyan perevantey kenitew.

Megwewali 7:4

Is metau he etew layun din ed-isipa is mehitenged te kemetayen, piru is tulebung he etew iyan din layun ed-isipa is kedlipeylipey.

Megwewali 9:17

Meupiya pa is kebpemineg te menayù he kegkaǥi te uluwanen he etew kenà te kebpemineg te bensaǥen te egalen te menge tulebung.