Megwewali 7:13 - Manobo Western Bukidnon OT

¹³ Isipa nu ke hengkey is mibeelan te Megbevayà. Hentei is ebpeketulid te mibulegkù te Megbevayà?

Megwewali 7:13 교차 참조

Megwewali 1:15

Ke hengkey is sayep ne kenè en egkevelvelewanan. Ne is wazà meengkà ne kenè en egkehimu he ed-engkaan.

Job 12:14

Wazà ebpekeped-uliey te egevaan din, wey wazà ebpekepeǥawas te ebpirisuwen din.

Isaias 5:12

Diyà te menge keemuran niw duen niw banda wey vinu. Piru wazè niw seǥipaa is menge vaal te Nengazen.

Megwewali 3:11

Ne heini ne inteǥane en te Megbevayà is egkengehitavù dutun te hustu he timpu. Mibeǥayan ki zin te penganduy he metueni ta is peleebuten, piru kenè ta heini egketegkad is menge mibeelan din puun pa te puunà taman te ketepusan.

Isaias 14:27

Wazà ebpekehimu he edhalin te pelanu te Nengazen he Mekeǥeǥehem. Wazà ebpekeeǥen kandin emun edsilut.

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Isaias 43:13

Puun pe zengan iyan e en Megbevayà. Wazà ebpekelingkawas puun te ǥehem ku. Wazà ebpekehimu he edhalin te menge vaal ku.”

Job 37:14

“Pemineǥa nu heini, Job, wey ngunngunua nu is egkengein-inuwan he ebeelan te Megbevayà.

Daniel 4:35

Kenè en ebpekesusuluwan is menge etew kayi te kelibutan emun idhindeg kandin. Ebeelan din is egkesuatan din diyà te menge velinsuǥuen diyà te langit wey ziyà te menge etew kayi te tanà. Wazà ebpekeeǥen wey ebpekevelavag kandin.’

Salmo 8:3

Emun edtengteng a ziyà te langit he mibeelan nu, ne egkeehè ku is bulan wey menge vituen he insavuk nu ziyà te nengesevukan dan,

Job 34:29

Piru minsan ebpereremek wey ed-eles is Megbevayà, ne wazà ebpekekaǥi he kenà hustu is ebeelan din. Piru is tutuu, ebentayan te Megbevayà is menge etew wey is menge nasyun,

Job 11:10

“Penenglitan, edekepen ka te Megbevayà ne ed-uwiten ke zin diyà te hukmanan wey ebpirisuwen ke zin, hentei man is ebpekeeǥen kandin?

Job 9:12

Emun duen din egkesuatan te egkuwa, ne wazà ebpekeeǥen kandin. Wazà etew he zuen din gehem te kedriklamu ke hengkey is ebeelan te Megbevayà.

Megwewali 8:17

Neehè ku is langun he mibpemeelan te Megbevayà kayi te kelibutan, ne wazà etew he ebpekesavut kayi. Minsan sengemenu pa is kebpeninguhà te etew he mesavut din heini, ne kenè din heini egkesavut. Minsan egkaǥi pa is metau he etew he nesavut din en heini, piru iyan tutuu is wazè din heini mesavut.