Megwewali 6:8 - Manobo Western Bukidnon OT

⁸ Hengkey is ibpekevintahà te etew he uluwanen te etew he tulebung? Hengkey is keupiyaanan he egkekuwa te pubri he etew emun metau sikandin te paaǥi te kebpengungubpaan?

Megwewali 6:8 교차 참조

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

Salmo 101:2

Ebpekevantey a para wazà igkesawey kedì. Keenu ke man edhendini te kediey? Ebpekevantey a para wazà igkesawey kedì kayi te ed-ubpaan ku.

Salmo 116:9

Umbe, ed-uvey a ziyà te Nengazen kayi te kebpengungubpaan ku kayi te kelibutan te menge uuyag.

Erubasa 19:1

Meupiya pa is egkeey-eyuwan he wazà igkesawey te menge vaal zin kenà is tulebung he mezaat is kebpemèbè din.

Megwewali 5:11

Emun egkeumanan is ketiǥeyunan ta, ne egkeumanan daan is egastu zutun, ne kenè ta haazà egkepehimulusan.

Megwewali 6:9

Wazà kayi pulus; henduen dà te edal-as ka te keramag. Umbe meupiya pa ke egkekuntintu ke en ke hengkey is naazen nu, ne kenè ke en medtulung mebpenganduy te zuma pa.