Megwewali 6:2 - Manobo Western Bukidnon OT

² Duen menge etew he mibeǥayan te Megbevayà te langun he egkesuatan dan he mekuwa zan: dengeg, azen wey zuma pa he ketiǥeyunan. Piru wazè din sikandan tuǥuti he ebpekepehimulus dutun, kekenà, iyan is duma he etew. Wazà kayi pulus, ne kenà heini meupiya.

Megwewali 6:2 교차 참조

1 Hadì 3:13

Ibeǥey ku zaan kenikew is wazè nu vuyua, he iyan is ketiǥeyunan wey zengeg, su para wazà duma he hadì he ebpekerepeng kenikew seled te tivuuk he untung nu.

1 Cronica 29:25

Midhimu te Nengazen he mevantug si Solomon te tivuuk he Israel wey mibeǥayan din sikandin te zengeg he wazà maangken te zuma he menge hadì te Israel.

1 Cronica 29:28

Mibmeluǥayad is untung din wey sepian sikandin wey dungganen. Minatey sikandin he meǥurang en utew, ne neilisan sikandin te anak din he si Solomon te kedhadì.

2 Cronica 1:11

Migkeǥiyan te Megbevayà si Solomon te, “Geina te mibuyù ka te ketau wey keuluwanen te kedumala kayi te keet-etawan ku he ebpehedian ku kenikew, ne wazè ka mebuyù te ketiǥeyunan etawa dengeg etawa kegkepetaya te menge kuntada nu etawa meluǥayad he untung,

Salmo 17:14

Libriya a wey a kenà mekeizi kayi te menge etew he iyan dà ed-isipen dan is kelibutanen he menge vutang. Siluti nu sikandan te silut he inteǥana nu kandan, ne iragkes nu en daan is menge anak dan. Ne elin nu teǥenahi te silut is menge apù dan.

Salmo 39:6

wey iring te alung he egkaawà. Utew egkesamuk is etew te menge vuluhaten he wazè din pulus. Edtiǥum sikandin te menge ketiǥeyunan, iyan, emun ebpatey en sikandin, ne kenè din en egketuenan ke hentei is egkepulusan dutun.

Salmo 73:7

Is menge ǥehinawa zan nepenù en te kelelalung, ne iyan dan dà layun egkeisip is kebaal te mezaat.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

Megwewali 4:8

Duen sevaha he etew he sebsevaha zin; wazè din anak wey suled. Piru edsigudu en sikandin edhaǥù su kenà sikandin kuntintu te netiǥeyunan din. Kesikandin diyà te gehinawa zin te, “Kenà ad ebpekelipeylipey tenged te subra he kebpenigudu ku kedhaǥù.” Piru wazà ku egketeǥakan te hineǥuan ku. Wazà kayi pulus! Mekeseseeng heini he kelasi te ked-ubpà!

Megwewali 5:13

Duen pa neehè ku kayi te kelibutan he kenà meupiya: Is ketiǥeyunan te sevaha he etew egkehimu he ebpekezezaat kandin

Megwewali 5:16

Ne kenà heini meupiya! Ebpatey ki he wazè din egkeuwit iring te kegkeetew ta. Hengkey is egkekuwa ta pinaaǥi te kedhaǥù ta he wazè man kayi pulus?

Megwewali 5:18

Umbe, netaǥù kayi te isip ku he is meupiya he ed-ul-ulahan te etew seled kayi te mevavà he untung he imbeǥey kandin te Megbevayà iyan is kegkaan, ked-inum, wey kedlipeylipey pinaaǥi te hineǥuan din kayi te kelibutan, su para man heini kandin.

Megwewali 5:19

Mibeǥayan te Megbevayà is etew te azen wey zuma pe he menge ketiǥeyunan, ne midtuǥutan din te kebpehimulus kayi, su para mezawat te etew is para kandin ne igkelipey zin is hineǥuan din. Imbeǥey heini kandin te Megbevayà.

Isaias 55:2

Maan is egastu kew te selapì niw te kenà egkekaan? Maan is egestuwen niw is menge suwildu niw te kenà ebpekahantey keniyu? Pemineg kew kediey, ne ebpekekaan kew te metaam he menge keenen ne egkahantey kew.

Penhulùhulù 5:2

Is menge tanè dey wey is menge valey zey, migkuwa te menge lumelengyawà.

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.

Hoseas 7:9

In-awà te menge etew ziyà te zuma he menge nasyun is ibpekegaga zan, piru wazè dan heini meseǥipà. Iring sikandan te meǥurang he ebmeputì en is bulvul zin piru wazè din meseǥipà he meǥaan en sikandin ebpatey.

Deuteronomio 28:33

Is menge etew he wazè niw mekilala ne iyan ebpekekaan te langun he hineǥuan niw, ne layun kew edluplupiǥa wey ibpaantus.

Deuteronomio 28:43

“Is kenà menge Israilihanen he mid-ubpà duma keniyu, ne ednaneynaney edekelà is gehem dan ne sikiyu mulà ednaneynaney edeisek is keniyu he ǥehem.

Zatù 18:10

Meluag haazà he tanà wey selebpeten, ne zutun is langun he kinahanglan tew. Wey wazè dan isipa he zuen egkaid kandan. Imbeǥey en te Megbevayà kenitew haazà he lugar.”