Megwewali 4:1 - Manobo Western Bukidnon OT

¹ Ne neehè ku is menge kebpenlupig kayi te kelibutan. Neehè ku is menge luhà te menge edèdaaǥen, ne wazà ebpekelangan wey edlig-en kandan. Dekelà is gehem te menge edaagdaag kandan.

Megwewali 4:1 교차 참조

Job 16:4

Emun iyan kew kayi te kediey he kebpekesavuk guntaan, egkehimu ke egkaǥi a zaan te iring te ebpengeǥiyen niw kayi te kedì. Utew ku ebeghetà is kedlalag ku keniyu ne ebpengelkelengan ku sikiyu.

Job 35:9

“Is menge edèdaaǥen ebuyù te tavang he libriya sikandan te kedèdaaǥa kandan te gehemanen he menge etew.

Job 6:29

Engkezi niw en is kedhukumi niw kedì, su wazè ku salà.

Job 9:24

Mibpeveyveyaan din te menge lalung is kelibutan. Edsebpengen din is mata te menge meghuhukum. Emun kenà iyan sikandin mibaal kayi ne hentei ves?

Salmo 12:5

Migkaǥi is Nengazen te, “Edtevangan ku is menge egkaayuayu su edèdaaǥen sikandan, ne utew subra is kebpekeantus dan. Egkelesaǥan ku sikandan su iyan heini ebperetengen dan.”

Salmo 142:4

Ahaa nu man is nekelingut kedì, wazà midtavang kedì, wazà nengalang kedì, wey wazà neipeng kedì.

Salmo 142:5

Ebpengum-umawen ku sikew, Nengazen; iyan ka ebpengalang kedì. Iyan ke zà utew egkinehenglanen ku kayi te kelibutan.

Salmo 42:3

Maandew wey mezukilem is kebpekesineǥew ku ne samè dà kenè ku meinum is luhè ku, ne zutun edtulung ed-insà is menge etew te, “Hendei en be is Megbevayè nu he edtavang kenikew?”

Salmo 42:9

He Megbevayà he endilungè ku, egkaǥi a ziyà te kenikew te, “Maan is edlipatan a kenikew? Maan is kinahanglan pa he egkeseeng a tenged te kedèdaaǥa kedì te menge kuntada ku?”

Salmo 69:20

Inmesakit te ǥehinawa ku is kebpeel-elezi zan kedì ne mibmezaat is isip ku. Ebperetengen ku is kegkehizuwi kedì, piru wazà nehizu kedì. Ebperetengen ku is kedlipaya kedì, piru wazà midlipey kedì.

Salmo 69:21

Midsevukan dan hinuun te hilu is keenen ku, ne hein egkemezahan a, sukà is imbeǥey zan kedì.

Salmo 80:5

Mibpenù key kenikew te seeng ne samè dà kenè dey meinum is luhè dey.

Exodus 1:16

“Emun ebpenguyemuwan niw is ed-anak he Hebriyuhanen, ne himetayi niw emun maama, iyan, emun bahi ne kenè niw en himetayi.”

Exodus 1:22

Ne midsuǥù te hadì te Ehipto is langun he sakup din he itimbag dan diyà te Wahig he Nilo is langun he menge maama he veǥu he id-anak te menge Israilihanen, iyan, kenè dan mulà idtimbag emun bahi.

Erubasa 19:7

Is etew he pubri, kenà idtetepian te menge kezuzumahi zin, iyan pe be medseǥipà kandin is menge emiǥu zin dà. Emun ebpetavang ka kandan ne ed-eles dan.

Erubasa 28:3

Is pubri he edlislisezen din is iring din he pubri, ne iring sikandin te utew mereǥes he uzan he ebpekezezaat te menge pinemula.

Erubasa 29:2

Emun metazeng is pengulu, egkelipey is menge etew, iyan, emun lalung is egkehimu he pengulu, egkengeseeng is menge etew.

Megwewali 3:16

Neehè ku he kayi te kelibutan he kelelalung is ebpedayun, ne kenà iyan is hustu he kukuman wey ketazeng.

Megwewali 5:8

Kenè ka meinuinu emun egkeehè nu ziyà te inged niw he edèdaaǥen is menge pubri, ne kenà ibeǥey kandan is hustu he kukuman wey kenà ebeliyen is ketenged dan. Su haazà is upisyal he edlupiglupig kandan edlevanan te upisyal he lavew kandin, ne heini is dezuwa edlevanan te upisyal he lavew pa kandan.

Megwewali 7:7

Is metau he etew egkehimu he tulebung emun ebpenlimbung sikandin wey mekeselapì. Su emun ebpesipsip ka ne paaǥi heeyan te kedezeeti nu te ked-etew nu.

Megwewali 8:9

Neehè ku heini langun hein mid-isip-isip ku is mehitenged te minsan hengkey he ebpen-ul-ulahan kayi te kelibutan, iring te emun is sevaha he etew he zuen din gehem te kedezaat te zuma zin he etew.

Isaias 5:7

Is pemuleey te Nengazen he Mekeǥeǥehem he mid-elimahan din wey igkelipey zin, iyan is menge etew ziyà te Israel wey Juda. Edtaǥad sikandin he tumana zan is hustu he kukuman, piru nasì dan mebpenhimatey. Edtaǥad sikandin he veeli zan is metazeng, piru nasì dan mebpendaagdaag.

Isaias 51:23

diyè ku heini ibpeinum te midrasey keniyu, wey midsuǥù keniyu te kedlangkab su wey kew zan meǥieki, midhimu zan is peka niw he iring te zalan he zutun dan ed-ikul.”

Isaias 59:7

Elistu kew he ebaal te salà ne abtik kew he edhimatey te wazà mekesalà. Mezaat is menge ed-is-isipen niw, ne minsan hendei kew ebpevayà ne ebpendezaat kew.

Jeremias 16:7

Wazà ebpekeveǥey te keenen wey inumen he idlangan te edlalew he mibpetayan, minsan is mibpetayan te iney etawa amey.

Penhulùhulù 1:16

Ne tenged keniyan nemeniǥis is menge luhè ku te kedsineǥew ku. Ne wazà midlangan wey midlig-en kedì. Mekehizuhizu is menge meǥinged kayi su nezaag sikandan te menge kuntada zan.”

Penhulùhulù 1:17

Mibuyù te tavang is Jerusalem, piru wazà midtavang kandin. Ketau te Nengazen he mehimu he kuntada te menge kevuwazan ni Jacob is menge nasyun diyà te peliǥuy zan. Ne is Jerusalem ed-isipen he meremerik te menge kuntada zan.

Penhulùhulù 1:2

Neiring sikandin te vahi he egkeiinek te tivuuk he kezukileman; is menge luhè din ebpenudà diyà te enaping din. Wazà minsan sevaha zuen te menge mibmahal zin he midlangan kandin. Pudu midluib kandin is menge emiǥu zin, ne nehimu sikandan he menge kuntada zin.

Penhulùhulù 1:9

Is keremerik din naahà te langun. Wazè din isipa zengan is egkehitavù kandin. Utew sikandin nezeeti, ne wazà midtavang kandin. Umbe migkaǥi sikandin te, “He Nengazen, seǥipaa nu is kegkerasey ku, su nezaag a te kuntada.”

Amos 3:10

Su iyan heini kes migkaǥi te Nengazen he MEGBEVAYÀ he ebpekesuǥat te Samaria: “Kenè dan metau he edtinazeng, ne is melig-en he menge vahin te inged dan, nepenù te menge azen he tinakew wey tinavan. Umbe edsurungen sikandan te menge kuntada zan ne ebpemengkaǥen is menge pengalang dan. Egkuwaan te menge kuntada is menge azen diyà te melig-en he menge vahin te inged dan.”

Amos 3:9

Keǥiyi niw is menge pengulu he ed-ubpà diyà te melig-en he menge vahin te Ashdod wey is diyà te Ehipto he medtiǥum sikandan diyà te menge vuntud he nekeliǥuy te Samaria ne ahàa zan is kegubut kayi he inged wey is kedlisliseza te menge meǥinged kayi.

Malakias 2:13

“Duen pa mibeelan niw: Impetiǥis niw is menge luhè niw ziyà te pemuhatà he para te Nengazen. Midsineǥew kew wey midlelendag su wazè din seǥipaa wey zewata is menge pemuhat niw.

Malakias 3:18

Ne egkeuman niw en maan egkaahà is mibizahayan te metazeng wey lalung, is mibizahayan te ebpenilbi te Megbevayà wey kenà ebpenilbi kandin.”

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”

Deuteronomio 28:33

Is menge etew he wazè niw mekilala ne iyan ebpekekaan te langun he hineǥuan niw, ne layun kew edluplupiǥa wey ibpaantus.

Deuteronomio 28:48

ibeǥey kew zin diyà te menge kuntada he ibpehendiyè din te keniyu ne ebpekepenilbi kew kandan. Egkevitil kew, egkemazahan kew, egkurang kew te ugelingen, wey egkeewaan kew te minsan hengkey he azen. Ibpaantus kew zin he henduen be te ed-eyuǥuwan kew zin te putew taman te kebpemematey niw.

Zatù 4:3

Si Jabin duen din 900 he kerwahi he menge putew. Ne utew zin midlisedlised is menge Israilihanen seled te 20 he tuig. Umbe mibuyù en maan te tavang is menge Israilihanen diyà te Nengazen.