9 Hengkey is egkekuwa te menge etew pinaaǥi te langun he hineǥuan dan?
Emun edterebahu ki ne layun ta egkekuwa is rimeǥas te kedhaǥù ta, iyan, emun bà ki zà ebembentaan ne iyan dà egkepengkusan ta is kegkeayuayu.
Hengkey is egkekuwa te menge etew ziyà te langun he hineǥuan dan kayi te kelibutan?
Piru hein mibpurungan ku is-isipa is langun kayi te mibeelan ku, iyan neuma te isip ku is wazà pulus kayi te langun. Iring dà te edal-as a te keramag. Wazà iyan pulus te kedhaǥù kayi te kelibutan.
Ne kenà heini meupiya! Ebpatey ki he wazè din egkeuwit iring te kegkeetew ta. Hengkey is egkekuwa ta pinaaǥi te kedhaǥù ta he wazè man kayi pulus?
