Megwewali 3:2 - Manobo Western Bukidnon OT

² Duen timpu te kegkeetew wey timpu zaan te kebpatey, duen timpu te kebpemula wey timpu zaan te kedraǥun,

Megwewali 3:2 교차 참조

Genesis 17:21

Piru haazà is kebpekid-uyun ku kenikew, ibpelaus ku zaan diyà te anak nu he si Isaac he id-anak ni Sara seled te senge tuig pa ǥuntaan.”

Genesis 47:29

Hein egkeǥezam din he meǥaan en sikandin egkeumuri, mid-umew zin si Jose, ne ke sikandin diyà te kandin te, “Emun egkehimu isavuk nu is belad nu kayi te laang ku, ne penangdù ka he ipeehè nu he kenà egkaawà is gaǥew nu kedì. Kenà a ileveng kayi te Ehipto.

1 Hadì 13:2

Midsuǥù haazà is suluǥuen te Nengazen te kedrawak dutun te pemuhatà. Ke sikandin te, “Iyan heini egkeǥiyen te Nengazen mehitenged kayi te pemuhatà: Duen batà he egkeetew ziyà te menge kevuwazan ni David he iyan ngazan din si Josia. Ebpenhimetayan din wey ibpemuhat din kayi he pemuhatà is menge memumuhat he ebpemenilbi ziyà te menge simbahan diyà te metikang he menge lugar wey ebpemuhat kayi he pemuhatà. Egkeepur is menge tulan dan kayi he pemuhatà.”

2 Hadì 4:16

Migkeǥiyan ni Elisha te, “Te iring kayi he timpu zutun te sunud he tuig ne zuen nu en edsepipiyen he vatà he maama.” Midtavak haazà is bahi te, “Datù, kenà a kenikew terterui, su suluǥuen ka te Megbevayà.”

Job 14:14

Emun ebpatey is etew egkeuman pe be sikandin egkeuyag? Piru ed-entusen ku is tivuuk he timpu te kebpekaantus ku taman te egkeuma is timpu te kegkepasad kayi.

Job 14:5

Imbanglis nu en ke sengemenu keluǥayad is untung te etew. Ne kenè din egkepesubrahan is timpu he inteǥana nu kandin.

Job 7:1

“Is kebpekesavuk te etew kayi te kelibutan ne utew melised; iring kelised te andew-andew he terebahu te sevaha te terebahanti,

Salmo 113:9

Edlipayen din is bahi he kenà ebpekaanak diyà te ubpeey zin pinaaǥi te kebeǥayi zin kandin te menge anak. Deliǥa is Nengazen!

Salmo 52:5

Siguradu he edezeetan kew te Megbevayà te wazà pidtemanan. Edekepen kew zin ne eguyuzen kew zin pehendiyà te ǥawas te valey niw. Ne edhewien din is untung niw.

Erubasa 24:27

Hunaa nu endama is igkeuyag-uyag nu, iring te pemuleey nu, ne human ka tukud te pemilya.

Isaias 28:24

Edsigudu zè be ed-eradu is ebasuk, ne kenè en ebpemula?

Isaias 38:1

Dutun he timpu, nezeruwan si Hezekia ne henduen be te ebpatey en. Midhendiyà te kandin is ebpeneuven he si Isaias he anak ni Amoz ne migkaǥi te, “Migkaǥi is Nengazen he veeli nu en is egkesuatan nu te ebaal su kenè ke en egkeulian, kekenà, ebpatey kad.”

Isaias 38:5

he medlikù sikandin diyà te ki Hezekia ne keǥiya zin heini: “Iyan heini egkeǥiyen te Nengazen, sikan is Megbevayà te kepuun nu he si David; ke sikandin te, ‘Nezineg ku is pengemuyù nu wey neehè ku is menge luhè nu. Ne ed-umanan ku pa te 15 he tuig is untung nu.

Isaias 54:1

Migkaǥi is Nengazen te, “Kanta ka, Jerusalem, is iring te vahi he kenà ebpekaanak. Kanta ka wey derag-ey ka te kegkelipey, is wazè pa mekesaǥad te velilit. Su minsan mid-ewaan ka te esawa nu, egkehimu he mahabet pa is kenikew he menge anak kenè te vahi he wazà ewai te esawa zin.

Jeremias 1:10

Guntaan he andew mibpilì ku sikew he perekaǥi ziyà te menge nasyun wey menge ginhedian. Keǥiyi nu is menge etew ziyà te menge nasyun wey menge ginhedian he is duma kandan egkengepiley wey egkengezeetan. Ne is duma kandan, ed-enew ne ed-uman edhitindeg.”

Jeremias 45:4

“Baruc, migkaǥi pa is Nengazen te, ‘Ebengkaǥen ku is nasyun he mibangun ku. Ebezuten ku is impemula ku. Ebeelan ku heini ziyà te tivuuk he tanà.

Deuteronomio 34:5

Umbe, minatey si Moises he suluǥuen te Nengazen diyà te Moab, sumalà te nekaǥi te Nengazen.

1 Samuel 2:5

Is egkengezeyzey zengan, ne ebpesuhul su wey zan meuyag. Ne is nengevitil zengan, guntaan nengehantey en sikandan. Kes wazà med-anak dengan guntaan mid-anak te mezakel. Ne sikan is mahabet is anak neeminan.