Megwewali 2:16 - Manobo Western Bukidnon OT

¹⁶ Su ebpatey pudu is uluwanen he etew wey is tulebung, ne te huziyan he menge andew ne pudu sikandan egkelipati.”

Megwewali 2:16 교차 참조

2 Samuel 3:33

Migkanta si Hadì David kayi he penhulùhulù para ki Abner: “Maan is minatey si Abner he iring te sevaha he selaan?

Salmo 103:16

Ne edhiyupen te keramag heini is kevukad, ne egketazin heini ne kenè en egkaahà.

Salmo 49:10

Su netuenan en te langun he minsan is uluwanen he etew ne ebpematey, iring din daan sikan is menge tulebung wey menge taleng. Ne emun ebpematey zan en igketaǥak dan dà is menge ketiǥeyunan dan diyà te zuma.

Salmo 88:12

Kenà egkaahà is egkengein-inuwan he menge vaal nu wey is ketazeng nu ziyà te merusirem he lugar te nemematey en, su zutun he lugar kenè en egketenuzan is langun.

Exodus 1:6

Neuma is timpu he minatey si Jose wey is langun he menge suled din. Midlavey haazà he lapis te kevuwazan,

Exodus 1:8

Ne zuen beǥu he nehimu he hadì diyà te Ehipto he wazà mesayud mehitenged ki Jose.

Erubasa 14:8

Is ketau te etew he metau he ed-isip-isip te ed-ul-ulahan din ke hendei is hustu wey kenà, ne iyan ebeǥey kandin te keuluwanen ke hengkey is ebeelan din, piru is ketutulebungi te menge tulebung, ne ebpekelimbung kandin.

Megwewali 1:11

Kenè te en egketenuzan is mengehitavù te nehuna he menge timpu. Ne is huziyan he menge lapis te menge kevuwazan, ne kenè dan en daan egketenuzan keuzemà is mibpemeelan tew ǥuntaan.

Megwewali 2:14

Su is uluwanen he etew egketuenan din ke hendei sikandin ebpekepevayà, iyan is tulebung mulà ne kenà. Iyan, netuenan ku he ebpeked-iring is egkepegkusan dan te dezuwa su ebpatey zan pudu.

Megwewali 2:15

Umbe, nekekaǥi a ziyà te ǥehinawa ku te, “Ke hengkey is egkeula-ula te tulebung iyan daan egkeulaula kedì. Umbe hengkey is egkekuwa ku he keupiyaanan kayi te ketau ku? Wazà iyan kayi pulus!

Megwewali 6:8

Hengkey is ibpekevintahà te etew he uluwanen te etew he tulebung? Hengkey is keupiyaanan he egkekuwa te pubri he etew emun metau sikandin te paaǥi te kebpengungubpaan?

Megwewali 7:2

Meupiya pa is kedhendiyà te mibpetayan kenà te kedhendiyà te keemuran he zuen gastu, su kemetayen man is egkepengkusan te langun. Ne kinahanglan he edtentunuzan heini te menge uuyag pa.

Megwewali 8:10

Ne neehè ku zaan is menge lalung he inleveng. Heini sikandan layun edseled diyà te segradu he inged he iyan is Jerusalem ne zutun sikandan mebaal te kelelalung. Ne zutun daan sikandan mezeliǥi te menge etew. Wazà kayi pulus.

Megwewali 9:15

Dutun te inged duen etew he pubri piru uluwanen, he iyan pezem ebpekelibri zutun te inged pinaaǥi te ketau zin. Piru wazà nekeseǥipà kandin.

Megwewali 9:5

ne netuenan din he ebpatey sikandin. Piru is minatey en ne wazè en egketuenan din ne wazè en egkezawat din wey egkelipatan en sikandin.

Malakias 3:16

Duen menge etew zutun he zuen dan kegkehandek te Nengazen. Hein nezineg dan heini is menge lalag, mibpelelelaǥè dan ne nemineg kandan is Nengazen, ne nezineg din sikandan. Ne ziyà te etuvangan din duen belesahan he midsuratan te mehitenged duen te zuen dan kegkehandek wey kedtahud te Nengazen.