Megwewali 2:1 - Manobo Western Bukidnon OT

¹ Guntaan egezaman ku is kedlipeylipey para metueni ku ke hengkey is meupiya he kebpengungubpaan. Ne nesusi ku he wazà daan dutun pulus.

Megwewali 2:1 교차 참조

Genesis 11:7

Kuwa kew en, edhendiyè kiw, ne ibpedseselekawè tew is kineǥiyan dan su wey zuen mezakel he menge kineǥiyan su wey kenè dan mekedsesevutà.”

2 Hadì 5:5

Midtavak haazà is hadì te Aram te, “Genat ka, ne uwita nu is surat ku ziyà te hadì te Israel.” Umbe migenat si Naaman he mid-uwit te gasa he 350 he kilu he pelata, 70 he kilu he vulawan, wey sepulù he lukut he visti.

Salmo 10:6

Iyan diyà te isip dan is: wazà mezaat he egkehitavù kandan, kekenà layun dan ebmelipayen ne wazà ebpekekaid kandan.

Salmo 14:1

Is menge tulebung, egkaǥi sikandan diyà te gehinawa zan te, “Wazà Megbevayà!” Pudu sikandan lalung ne utew mezaat is menge vaal zan. Wazà minsan sevaha kandan he ebaal te meupiya.

Salmo 27:8

Neǥezam ku kayi te ǥehinawa ku he ibpezangep a kenikew ziyan te kenikew, umbe kenà duwazuwa is kedangep ku ziyan te kenikew, Nengazen.

Erubasa 14:13

Egkehimu he id-eles ta is mezaat he ǥehinawa ta pinaaǥi te ked-engit, iyan, emun ebpekepasad ka he ed-engit mesakit gihapun is gehinawa nu.

Megwewali 11:9

Sikew is betan-en, medlipey ka kayi te kebpengungubpaan nu te vetan-en ke pa. Beeli nu is egkesuatan nu te ebaal, piru tentenuzi nu he edhukuman ka te Megbevayà pinaaǥi te langun he menge vaal nu.

Megwewali 2:10

Migkuwa ku is minsan hengkey he egkesuatan ku. Mibeelan ku is minsan hengkey he ebpekelipey kedì. Ne utew ku ingkelipey is langun he menge vaal ku, ne iyan heini vales te menge kedhaǥù ku.

Megwewali 2:15

Umbe, nekekaǥi a ziyà te ǥehinawa ku te, “Ke hengkey is egkeula-ula te tulebung iyan daan egkeulaula kedì. Umbe hengkey is egkekuwa ku he keupiyaanan kayi te ketau ku? Wazà iyan kayi pulus!

Megwewali 2:25

Su ebmenmenuwen ta he mekekaan ki wey mekelipeylipey te hineǥuan ta emun kenà heini ibeǥey te Megbevayà?

Megwewali 7:4

Is metau he etew layun din ed-isipa is mehitenged te kemetayen, piru is tulebung he etew iyan din layun ed-isipa is kedlipeylipey.

Megwewali 8:15

Umbe para kediey, iyan meupiya he ed-ul-ulahan te etew is kedlipey kayi te kebpengungubpaan din. Wazà duma he meupiya para kandin kayi te kelibutan, kekenà, iyan is kegkaan, ked-inum wey kedlipey. Pinaaǥi kayi egkeseǥazan din is kelipey zutun te kedterebahu zin seled te tivuuk he untung din he imbeǥey kandin te Megbevayà kayi te kelibutan.

Isaias 5:5

“Guntaan egkeǥiyan ku sikiyu ke hengkey is ebeelan ku zutun te pemuleey ku. Id-awè ku is menge nenuvù diyà te nekeliǥuy kayi he iyan nehimu he kudal zin, wey ebengkaǥen ku is menge alad kayi su para penebtavà heini te menge langgam ne wey zan daan metekutaki.

Isaias 50:11

Piru mebpekevantey kew mulà is ed-isip edezaat te zuma he etew; egkeuney kew zuen te mezaat he mid-isip niw! Iyan mismu is Nengazen edsilut keniyu; ebpematey kew tenged te kebpurungi zin kedsiluti keniyu.

Isaias 50:5

Midlelaǥan a te Nengazen he MEGBEVAYÀ, ne nemineg a. Wazà a medsupak wey mebpekeziyù diyà te kandin.