Megwewali 10:8 - Manobo Western Bukidnon OT

⁸ Emun ebangbang ka, kela ke meulug ka zuen. Emun edlesag ka ziyà te verengbeng te inged, kela ke keǥata ka te uled.

Megwewali 10:8 교차 참조

2 Samuel 17:23

Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

2 Samuel 18:15

Ne is sepulù he tig-uwit te ǥumaan ni Joab, midlingutan dan si Absalom, ne midhimetayan dan.

Ester 7:10

Umbe imbitey zan si Haman diyà te vitayà he mibpeveelan din he para pezem ki Mordecai. Ne zutun naawà is pauk duen te hadì.

Salmo 57:6

Neseeng a su edlitaǥen a te menge kuntada ku. Ne mibangbang daan sikandan te para egkeuluǥan ku, piru iyan sikandan neulug duen.

Erubasa 11:6

Is metazeng he kebpengungubpaan te etew iyan hustu he ebpekelibri kandin, piru is mezaat he penganduy te etew he meluiven ne ebpekezezaat kandin.

Erubasa 26:27

Is ebangbang para meulug is duma, iyan sikandin egkeulug dutun. Is edlilid te vatu su wey melilizi is duma, iyan sikandin egkelikuan egkelilizi zutun.

Megwewali 10:9

Emun edlekat ka te vatu etawa egurey ka te kayu, kela ke mepelii ka,

Amos 5:19

Egkeiring kew te etew he egkeisip din he nelibri en sikandin su nepeleǥuyan din en is erimaung, piru bir ves is egkesinuǥung din. Etawa egkeisip din he wazè en ebpekekaid kandin su ziyè en sikandin te seled te valey zin, piru ked-ulembè din diyà te elavat ne migkaǥat is belad din te uled.

Amos 9:3

Minsan med-eles pa sikandan diyà te puntur te Buntud he Carmel, ebpen-ahaan ku sikandan dutun ne edekepen ku. Minsan med-eles pa sikandan diyà te zizalem te zaǥat, ne ibpehendutun ku is uled te kegkaǥat kandan.

Zatù 9:5

Ne midhendiyà si Abimelec te valey te amey zin diyà te Ofra. Ne ziyà te zivavew te sevaha he vatu, mibpenhimetayan din sikan is 70 he menge suled din diyà te amey zin he si Gideon. Piru is tinengkezan he si Jotam wazà mulà mepatey su mid-eles sikandin.