Megwewali 1:3 - Manobo Western Bukidnon OT

³ Hengkey is egkekuwa te menge etew ziyà te langun he hineǥuan dan kayi te kelibutan?

Megwewali 1:3 교차 참조

Megwewali 2:11

Piru hein mibpurungan ku is-isipa is langun kayi te mibeelan ku, iyan neuma te isip ku is wazà pulus kayi te langun. Iring dà te edal-as a te keramag. Wazà iyan pulus te kedhaǥù kayi te kelibutan.

Megwewali 2:18

Nesuǥey a su geina te kinahanglan he igketaǥak ku ziyà te zuma is rimeǥas te menge kedhaǥù ku.

Megwewali 2:19

Ne wazà ku en metueni ke metau ve wey ke tulebung is ebpekepangevilin. Piru iyan dan en ebpekevayàbayà te minsan hengkey he egkekuwa ku pinaaǥi te ketau ku wey kedhaǥù ku. Wazè kayi pulus.

Megwewali 2:22

Hengkey is egkekuwa te etew te kedhaǥù din wey kebpeningkamut din kayi te kelibutan?

Megwewali 3:9

Hengkey is egkekuwa te menge etew pinaaǥi te langun he hineǥuan dan?

Megwewali 4:3

Ne iyan edhuna utew he zeyzey sikan is wazè en ipen-anak, su wazè en sikandan mekaahà te langun he menge mezaat he menge vaal kayi te kelibutan.

Megwewali 4:7

Duen pa neehè ku kayi te kelibutan he wazè din pulus:

Megwewali 5:16

Ne kenà heini meupiya! Ebpatey ki he wazè din egkeuwit iring te kegkeetew ta. Hengkey is egkekuwa ta pinaaǥi te kedhaǥù ta he wazè man kayi pulus?

Megwewali 5:18

Umbe, netaǥù kayi te isip ku he is meupiya he ed-ul-ulahan te etew seled kayi te mevavà he untung he imbeǥey kandin te Megbevayà iyan is kegkaan, ked-inum, wey kedlipeylipey pinaaǥi te hineǥuan din kayi te kelibutan, su para man heini kandin.

Megwewali 6:12

Wazà nesayud ke hengkey is meupiya para kenita te etew seled kayi te mevavà wey wazè din pulus he ked-ubpè ta he iring dà te alung su edlavey zà. Wazà ebpekepenudtul kenita ke hengkey is egkeulaula kayi te kelibutan emun ebpatey ki en.

Megwewali 7:11

Meupiya is ketau, iring heini keupiya te menge vutang he egkepengevilin ta. Ebpeketavang heini kenita kayi te ked-ubpè ta kayi te kelibutan,

Megwewali 9:13

Neehè ku zaan kayi te kelibutan is sevaha he penenglitan te ketau he utew ku nesuati:

Megwewali 9:3

Iyan heini edhuna he kenà meupiya te langun he egkengeulaula kayi te kelibutan: neked-iring dà is egkepeveyaan te langun. Ne te kemulu pa uuyag is etew ne iyan ebpeketaǥù te isip din is mezaat wey tinulebung; ne te huziyan he timpu ebpatey sikandin iring te zuma.

Megwewali 9:6

Wazè dan en gaǥew, pauk wey kesina. Ne wazè dan en lavet te langun he egkengehitavù kayi te kelibutan.

Isaias 55:2

Maan is egastu kew te selapì niw te kenà egkekaan? Maan is egestuwen niw is menge suwildu niw te kenà ebpekahantey keniyu? Pemineg kew kediey, ne ebpekekaan kew te metaam he menge keenen ne egkahantey kew.

Habakuk 2:13

Piru heeyan is impevangun niw te menge etew he mibihag niw ne ebinsulan dà heeyan, umbe egkehimu he wazà pulus te midheǥuan dan. Midtelaan en heini te Nengazen he Mekeǥeǥehem.

Habakuk 2:18

“ ‘Hengkey is pulus te zuma he menge ed-ezapen? Kayu zè man heeyan etawa mital he mibeelan te etew, ne kenè man heeyan ebpekekaǥi mehitenged te tutuu. Ne maan is midtuuwan heeyan te menge etew he mibaal zuen? Kenà ganì heeyan ebpekekaǥi.