Megwewali 1:16 - Manobo Western Bukidnon OT

¹⁶ Ne neisip ku is, “Edhuna a he metau te nehuna kedì he menge hadì he nemendumala te Jerusalem. Lavew is ketau ku wey keuluwanen ku te minsan hentei kandan.”

Megwewali 1:16 교차 참조

1 Hadì 10:7

Wazà a medtuu kayi umbe midhengkayi a ne neehè ku human. Is tutuu, ne wazà ganì mekedliliwezaan is netudtul kedì mehitenged kenikew te neehè ku. Is ketau nu wey ketiǥeyunan nu ne lavew pa zutun te nezineg ku.

1 Hadì 4:30

Is ketau zin lavew pa te ketau te langun he uluwanen diyà te edsilaan wey ziyà te Ehipto.

1 Hadì 5:9

Ibpahakut ku heini te menge etew ku puun te Lebanon taman te zaǥat, ne ebeelan dan heini he ǥakit ne ibpelayun dan pehendiyà te lugar he egkesuatan nu. Kebpekeuma kayi ibpedsusuwey zan ne iyan kew en human metau. Ne iyan bayad nu kedì, is beǥayi a kenikew te keenen para te menge etew ku ziyà te turuǥan ku.”

2 Hadì 5:20

ne sikan is suluǥuen ni Elisha he si Gehazi, neisip din is, “Impeǥenat te egalen ku si Naaman he Aramihanen he wazè din dewata is igasa zin. Ebpenangdù a ziyà te uuyag he Nengazen he edel-asen ku sikandin ne egkuwa a ziyà te kandin te minsan hengkey.”

2 Cronica 2:12

Edeliǥen is Nengazen he Megbevayà te Israel he midlimbag te langit wey kelibutan! Mibeǥayan din si Hadì David te uluwanen he anak, he nepenù te keuluwanen wey kedsavut, he edtukud te valey te Nengazen wey turuǥan he para te keugelingen din.”

Salmo 4:4

Emun egkepauk kew, kinahanglan he kenè kew ebpekesalà tenged dutun. Ne emun edhizeǥè kew en diyà te menge hizeǥaan niw, pekelinawa niw is gehinawa niw ne purung kew ngunùngunù.

Salmo 77:6

Emun mezukilem ne mezalem is ed-is-isipen ku. Ebpurung a egngunùngunù ne iyan heini menge insà he neuma te isip ku:

Megwewali 2:1

Guntaan egezaman ku is kedlipeylipey para metueni ku ke hengkey is meupiya he kebpengungubpaan. Ne nesusi ku he wazà daan dutun pulus.

Megwewali 2:15

Umbe, nekekaǥi a ziyà te ǥehinawa ku te, “Ke hengkey is egkeula-ula te tulebung iyan daan egkeulaula kedì. Umbe hengkey is egkekuwa ku he keupiyaanan kayi te ketau ku? Wazà iyan kayi pulus!

Megwewali 2:9

Iyan a pinekesepian te langun he etew he nekeubpà diyà te Jerusalem, ne wazà maawà is keuluwanen ku.

Megwewali 3:17

Ne nekekaǥi a ziyà te ǥehinawa ku te, “Edhukuman te Megbevayà is metazeng wey menge lalung he menge etew, su zuen intail zin he timpu te uman sevaha he vuluhaten.

Jeremias 22:14

Migkaǥi ke pa te, “Ebangun a te turuǥan he zuen din meluag he menge ruǥu diyà te zivavew. Ebpeveelan ku heini te meluag he menge sulawà ne ebpeelevetan ku te kisami he sidru, ne ebpepintalan ku te meriǥà.”

Daniel 4:30

ke sikandin te, “Utew mekeǥeǥehem is Babilonia he midhimu ku he lavew he inged pinaaǥi te kediey he sigudu wey para te ventuǥan ku.”