Leviticus 9:10 - Manobo Western Bukidnon OT

¹⁰ Midtutung din diyà te pemuhatà is menge tavà, is menge vuwà, wey is deisey he vahin te atey, sumalà te insuǥù te Nengazen ki Moises.

Leviticus 9:10 교차 참조

Salmo 51:17

Is pemuhat he ebpekeveǥey kenikew te kelipey, Megbevayè ku, iyan is kenà kebpelavew wey is ked-iniyuǥi te menge salà. Ne iyan heini he kelasi te pemuhat edewaten nu.

Exodus 29:13

Ne kuwaa nu is langun he tavà diyà te seled te ǥetek, ne kuwaa nu is deisey he vahin te atey, wey sikan is menge vuwà ragkes is menge tavà kayi, ne tutunga nu zuen te pemuhatà.

Erubasa 23:26

Mama, pemineǥa nu purungi is egkeǥiyen ku, ne sunuza nu is menge ulaula ku.

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Isaias 66:2

Kenè be iyan a mibaal te langun he menge vutang? “Siak, is Nengazen egkaǥi te: Edseǥipaan ku is menge etew he kenà ebpelavew wey ed-engked he ebaal te salà wey igkahandek dan is lalag ku.

Leviticus 9:11

Is usa wey is lundis kayi midtutung din diyà te ǥawas te kampu.

Leviticus 9:9

Is lengesa kayi mid-uwit te menge anak din diyà te kandin, ne intiyuk din is tezù din dutun te lengesa, ne impirik din heini ziyà te menge sungeysungey te menge suyuk duen te pemuhatà. Is nesamà he lengesa in-itis din diyà te zizalem duen te pemuhatà.