Leviticus 8:23 - Manobo Western Bukidnon OT

²³ Ne midlapà ni Moises haazà is kerehidu, ne migkuwa sikandin te lengesa kayi, ne impalis din diyà te zizalem he vahin te kewanan he telinga ni Aaron, diyà te kewanan he tindezekelà te velad din, wey ziyà te kewanan he tindezekelà te paa zin.

Leviticus 8:23 교차 참조

Exodus 29:20

Ne himetayi nu haazà, ne kuwa ka te lengesa zutun ne izazas nu ziyà te kewanan he telinga ni Aaron wey kewanan he telinga zuen te menge anak din he maama, wey kewanan he tindezekelà te menge velad wey paa zan. Ne piriki nu te lengesa sikan is peliǥuy zuen te pemuhatà.

Exodus 29:21

Ne kuwa ka te lengesa he zutun te pemuhatà, ne isahug nu heini te lana he para idlana ne ipirik nu haazà diyà te ki Aaron wey ziyà te menge visti zin, ipirik nu zaan duen te menge anak din, wey ziyà te menge visti zan. Dutun, si Aaron wey sikan is menge anak din he maama wey is menge visti zan, igkepehinungud en kayi te kediey.

Leviticus 14:14

Egkuwa haazà is memumuhat te zeisey he lengesa zuen te kerehidu he impemuhat ne ibpelis din heini ziyà te kewanan he telinga zuen te etew, wey is tindezekelà te kewanan he velad din wey paa.

Leviticus 14:17

Ne sikan is egkesamà dutun te lana ziyà te palad din, ne idazas din daan dutun te etew zuen te mibpendezasan din te lengesa; izazas din heini ziyà te kewanan he telinga zuen te etew, wey te tindezekelà te kewanan he velad din wey paa.

Leviticus 14:25

Ne edlepaan din haazà is kerehidu ne egkuwa sikandin te lengesa kayi ne ibpalis din diyà te kewanan he telinga zuen te etew he edlumpiyuwan wey ziyà te tindezekelà te kewanan he velad din wey paa zin.

Leviticus 14:28

Is duma he lana ziyà te palad din, idazas din dutun te etew ziyà te midezasan din en te lengesa.

Leviticus 7:37

Iyan haazà menge sulunuzen mehitenged te pemuhat he edtutungen, pemuhat he para gasa, pemuhat he para idlumpiyu, pemuhat he vayad te salà, pemuhat he para te kedhimuwa te memumuhat he memumuhat, wey pemuhat he para te meupiya he kedepità.