Leviticus 8:13 - Manobo Western Bukidnon OT

¹³ Ne miduma zin diyà te teliwazà is menge anak ni Aaron he menge maama, ne mibistiyan din sikandan te visti he para te memumuhat wey mibekesan heini. Midsul-uvan daan sikandan te menge kalù. Mibeelan heini ni Moises sumalà te insuǥù kandin te Nengazen.

Leviticus 8:13 교차 참조

Salmo 132:9

Berakat he layun edtinazeng is menge memumuhat nu, ne egkanta te kegkelipey is metinumanen he menge etew nu.

Exodus 40:13

Ne sun-uzi nu si Aaron duen te menge visti te memumuhat, ne lenahi nu sikandin su iyan heini paaǥi te kebpehinunguza kandin kayi te kedì, su wey mekepenilbi sikandin kediey pinaaǥi te kebpemuhat.

Exodus 40:16

Ne mibeelan ni Moises haazà is langun he insuǥù te Nengazen kandin.

Isaias 61:10

Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.

Isaias 61:6

Egngezanan kew he menge memumuhat te Nengazen, wey menge suluǥuen te Megbevayè tew. Ebpezaharan kew te ketiǥeyunan te menge nasyun, ne egkelipey kew te kegkeengkena niw kayi.

Ezekiel 42:14

Emun egawas en is menge memumuhat puun kayi te segradu he menge ruǥu, kinahanglan he kenè dan dèpa mediritsu megawas pehendiyà te ǥawas te lama. Kinahanglan he edluwasen dan dèpa is menge visti he imbivisti zan dutun te kebpemuhat dan, su segradu heini he menge visti. Kinahanglan he ed-ilis dèpa sikandan te selakew en he visti te kenè pa sikandan edhendiyà te vahin duen te simbahan he para te menge etew.”

Leviticus 10:5

Umbe, migkuwa zan haazà is nemematey, piru ziyè dà sikandan megawed te visti, ne mid-uwit dan diyà te ǥawas te kampu sumalà te insuǥù ni Moises.