Leviticus 8:12 - Manobo Western Bukidnon OT

¹² Ne mibpetiǥisan din te lana is ulu ni Aaron he paaǥi te kebpehinunguza kandin diyà te Nengazen.

Leviticus 8:12 교차 참조

Salmo 133:2

Iring heini te utew meupiya he lana he inlana ki Aaron he midtudà diyà te sumpè din ne nekeuma ziyà te kuwilyu te visti zin.

Exodus 28:41

“Bistiyi nu kayi is suled nu he si Aaron wey sikan is menge anak din he maama. Ne ebpetiǥisan sikandan te lana tuus te kegkehimuwa kandan he memumuhat. Ne ipehinungud nu sikandan kediey su wey sikandan mekepenilbi kedì pinaaǥi te kebpemuhat.

Exodus 29:7

Kuwa ka te lana he para zà te idlana te ebpilien ku, ne ilana nu ziyà te ulu ni Aaron.

Exodus 30:30

“Ne lenahi niw zutun te lana si Aaron wey sikan is menge anak din he maama he tuus te ibpeveyveyaan niw sikandan kediey su wey zan mekepenilbi kedì pinaaǥi te kebpemuhat.

Leviticus 10:7

Kenè kew zèpa awà kayi te ǥemawan te Tulda. Emun ebeelan niw heini ne ebpatey kew, su mibpilì kew te Nengazen he mehimu kew he menge memumuhat pinaaǥi te kedlenahi keniyu te lana.” Ne midtuman dan haazà is migkaǥi ni Moises.

Leviticus 4:3

Emun ebpekesalà is lavew he memumuhat he wazè din tivevaa, ne tenged dutun egkezelahig is menge etew, mebpemuhat sikandin diyà te Nengazen te turiti he vaka he wazè din sazir he pemuhat he para idlumpiyu.

Leviticus 7:36

Dutun he andew te kedhimuwa te menge memumuhat he menge memumuhat, midsuǥù te Nengazen is menge Israilihanen he iveǥey zan haazà he vahin he para te menge memumuhat, para kandan haazà taman te taman, ne tumana zan heini wey te peleebuten he kevuwazan dan.

Leviticus 8:30

Ne migkuwa si Moises te lana he para te idlana wey lengesa he zuen te pemuhatà ne mibpirikan din si Aaron wey kes menge anak ni Aaron wey is menge visti zan. Pinaaǥi kayi impehinungud din sikandan wey is menge visti zan diyà te Nengazen.