Leviticus 7:21 - Manobo Western Bukidnon OT

²¹ Emun duen ebpezegkit dutun te minsan hengkey he ed-isipen he meremerik, iring te meremerik he menge vutang te etew, etawa meremerik he langgam, etawa minsan hengkey he meremerik, ne egkaan sikandin te usa kayi he pemuhat he para te Nengazen, ne heeyan he etew kenè niw en isipa he zuma niw.

Leviticus 7:21 교차 참조

Genesis 17:14

Ne ke zuen minsan hentei he maama he zuma niw he kenà ebpesirkunsidar, kenè niw en isipa he zuma niw sikandin, su wazè din ilelenged is kebpekid-uyun ku.”

Exodus 12:15

Ne iyan heini ibpeulaula ku keniyu: Kinahanglan he kenè niw edtepayan is supas he egkeenen niw seled te pitu he andew. Umbe kinahanglan he id-awè niw is tapey ziyà te menge valey niw zutun te egkehuna he andew. Su is minsan hentei keniyu he egkaan te midtepayan puun dutun te egkehuna he andew pehendiyà te ikepitu he andew ne ed-isipen sikandin he kenà ragkes te kevuwazan ni Israel.

Exodus 12:19

Seled te pitu he andew kinahanglan he wazà tapey ziyà te menge valey niw. Is minsan hentei he egkaan te midtepayan kenè en sikandin ed-isipen he ragkes te kevuwazan ni Israel, tutuu man sikandin he kevuwazan ni Israel wey ke kenà.

Ezekiel 33:25

Ne guntaan keǥiyi nu sikandan, he iyan a, is Nengazen he MEGBEVAYÀ migkaǥi te, ‘Egkeisip niw ve he egkaangken niw ǥihapun haazà is tanà minsan egkaan kew te usa he zuen din pa lengesa, wey ed-azap kew te zuma he menge ed-ezapen niw, wey ebpenhimatey kew te etew?

Ezekiel 4:14

Ne migkaǥi a te, “He Nengazen he MEGBEVAYÀ, netuenan nu he wazè ku remeriki is keugelingen ku puun te vatè e pa taman en guntaan. Wazà a keenu mekekaan te uyaǥen he minatey etawa midhimetayan te sengelelanggam. Wazè e zaan keenu mekekaan te langgam he mid-isip he meremerik.”

Leviticus 11:20

Egkehimu he egkeenen niw is menge dezeizey he keranapranap he edlayang wey ebpenanap he zuen dan menge paa he ibpekeladsik dan iring te terapan, sengug, wey pelaǥà. Piru kenè niw keena is duma pa he menge keranapranap he edlayang wey ebpenanap. Isipa niw he meremerik heini he menge keranapranap.

Leviticus 12:1

Midsuǥù te Nengazen si Moises

Leviticus 17:10

Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Leviticus 17:14

su is untung te linimbag ne ziyà te lengesa zin. Umbe migkeǥiyan kew te Nengazen he kenè niw keena is lengesa te minsan hengkey he linimbag; ne is minsan hentei he egkaan kayi ne kenè niw en isipa he zuma niw.

Leviticus 18:29

Is minsan hentei he ebaal keniyan te utew mezaat he menge vaal ne kenè niw en sikandin isipa he zuma niw.

Leviticus 19:8

Is minsan hentei he egkaan kayi ne zuen din televaken su ebpendezeisayen din is para kediey, umbe haazà he etew kenè niw en isipa he zuma niw.

Leviticus 20:3

Egkeepesan ku heeyan he etew ne kenè niw en isipa he zuma niw, su zutun te kebpemuhata zin te anak din diyà te ki Molec, midremerikan din is lugar he zutun a keniyu ed-ezapa ne mibpendezeisey zin is ngazan ku. Emun ebey-anan niw zà haazà he etew,

Leviticus 22:3

Emun duen keniyu ǥuntaan etawa menge kevuwazan niw taman te huziyan he lapis te menge kevuwazan he edsamsam te pemuhat kayi te kedì, dutun te meremerik sikandin, kenè en egkehimu he ebpekepenilbi pinaaǥi te kegkememumuhat din. Iyan a kes Nengazen.

Leviticus 22:4

Wazà minsan hentei keniyu he egkehimu he egkaan te pemuhat, emun duen din daru te lundis, etawa zuen egawas diyà te sudiyè din tenged te zaru zin, etawa nekesamsam te azen he nehimu he meremerik su nekeseǥahid te minatey, etawa migewasan te similya, etawa nekesamsam te langgam, etawa etew he ed-isipen he meremerik. Wey zà sikandin egkehimu he egkaan te menge pemuhat emun ebpekepemeziǥù sikandin, piru medtaǥad pa sikandin taman te mahapun, dutun te edsanlep en is andew, ne egkehimu en human he egkaan sikandin te menge pemuhat he iyan keuyaǥan din su memumuhat man sikandin.

Leviticus 23:29

Is kenà ebpuasa zutun he andew ne kenè niw en isipa he zuma niw.

Leviticus 7:20

Piru is minsan hentei he ed-isipen he meremerik he egkaan kayi te usa he para te Nengazen, ne heeyan he etew kenè niw en isipa he zuma niw.

Leviticus 7:22

Midsuǥù te Nengazen si Moises

Leviticus 7:25

Is minsan hentei he egkaan te tavà he egkehimu he ibpemuhat diyà te Nengazen he pemuhat pinaaǥi te hapuy, ne kenè niw en isipa he zuma niw.

Leviticus 7:27

Is minsan hentei he egkaan te lengesa, ne kenè niw en isipa he zuma niw.

Numero 19:22

Is minsan hentei etawa minsan hengkey he egkesamsam te etew he meremerik, ne ebmeremerik daan taman te egkesakep.”

Deuteronomio 14:10

Piru kenè niw keena is wazè din kapey wey hun-ap. Isipa niw heini he meremerik.

Deuteronomio 14:3

“Kenè kew megkaan te minsan hengkey he langgam he ed-isipen he meremerik.

1 Samuel 20:26

Wazè en kekeǥiyen ni Saul zutun mehitenged ki David te haazà he andew su egkeisip din is kela ke zuen neulaula ki David he kenà meupiya ne nehimu he nekeremerik kandin, umbe kenà ereg sikandin he ebpekidsevaha zutun te pista.