Leviticus 6:11 - Manobo Western Bukidnon OT

¹¹ Ne kegkepasad kayi, med-ilis sikandin te visti zin, ne uwita zin haazà is igmuk diyà te ǥawas te kampu, ziyà te lugar he ed-isipen he lumpiyu.

Leviticus 6:11 교차 참조

Exodus 29:37

Ul-ulaha nu heini kada andew zutun te pitu he andew. Ne egkepurung egkehimu he segradu haazà is pemuhatà, ne ereg he idsivey para te Nengazen is ebpekezegkit dutun.

Ezekiel 44:19

Emun egawas sikandan diyà te ǥawas he lama he zutun is menge etew, kinahanglan he edluwasen dan dèpa is menge visti he migamit dan dutun te kebpenilbi zan ne idsavuk dan diyà te segradu he menge ruǥu, ne mebivisti zà sikandan te urdinaryu. Pinaaǥi kayi kenà ebpekezezaat te menge etew is kegkesegradu zuen te menge visti zan.

Leviticus 16:27

Kinahanglan he ed-uwiten diyà te ǥawas te kampu wey edtutungen is nesamà duen te vaka wey kambing he migkuwaan te lengesa he mid-uwit diyà te Utew Segradu he Lugar he inlumpiyu kayi.

Leviticus 24:9

Heini he menge supas, ne para ki Aaron wey te menge kevuwazan din. Egkeenen dan heini ziyà te segradu he lugar zutun te Tulda, tenged te utew heini segradu he vahin te menge pemuhat. Ne para heini kandan taman te taman.

Leviticus 6:10

Idsun-ud te memumuhat is pendivavew he visti zin he linu, wey is pendizalem he visti he linu he ebpeketambun te pid-etawan din, ne egkuwaan din is igmuk kayi he pemuhat, ne idsavuk din diyà te kilid te pemuhatà.

Leviticus 6:12

Kinahanglan he kenà ed-ewaan te hapuy haazà is pemuhata; kenà heini ed-evukan. Kada meselem ne edtevunan heini te memumuhat, ne ibpurung din idsavuk dutun te hapuy is pemuhat he edtutungen. Iragkes din daan te edtutung is menge tavà te uyaǥen he pemuhat he para te meupiya he kedepità.

Leviticus 6:20

mehitenged te pemuhat he para te Nengazen he ibpemuhat ni Aaron dutun te andew te kedhimuwa kandin he lavew he memumuhat, he kinahanglan he ed-ul-ulahan daan te menge kevuwazan din he ebpekeilis kandin: Mebpemuhat sikandin te zezuwa he kilu he meupiya he kelasi he herina. Pemuhat heini he para te kebeǥey te zengeg diyà te Nengazen, he layun heini ebeeli taman te taman. Is liwazà kayi ne ipemuhat din ke meselem ne is liwazà wey ke mahapun.

Leviticus 6:22

Ne kinahanglan he edtutungen heini langun, su heini he pemuhat, ne para te Nengazen, ne ed-ul-ulahan heini taman te taman. Kinahanglan he ed-ul-ulahan heini te kevuwazan ni Aaron he iyan ebpekeilis kandin he egkehimu he memumuhat.

Leviticus 7:6

Ebpekekaan te egkesamà kayi he pemuhat is langun he maama ziyà te pemilya te menge memumuhat, piru kinahanglan he ziyè dan heini egkeena te segradu he lugar, su utew heini segradu.