Leviticus 5:11 - Manobo Western Bukidnon OT

¹¹ Piru emun kenè pa sikandin ebpekevaug te zezuwa he merepatik etawa zezuwa he limuken, ne mebpemuhat dà sikandin te zezuwa he kilu he meupiya he kelasi he herina. Kinahanglan he kenè din heini edsehuǥan te lana wey veyewà su pemuhat heini he idlumpiyu, ne kenà heini pemuhat he para gasa.

Leviticus 5:11 교차 참조

Exodus 16:18

Ne hein migantang dan heini, is kada sevaha ne neketiǥum te tig senge-ǥantang. Is neketiǥum te zekelà ne wazà medsubra, ne is neketiǥum te zeisey ne wazà megkurang. Netengkaan dà is nekuwa te uman sevaha.

Exodus 16:36

(Kada andew ebpumpun is kada sevaha kandan te senge-ǥantang he ‘manna’.)

Leviticus 1:14

Emun tagbis is ibpemuhat te etew he iyan pemuhat he edtutungen, kinahanglan he merepatik heini etawa limuken.

Leviticus 14:21

Iyan, emun pubri haazà is etew ne kenè din egkeveleveg is kebpemuhat kayi he menge pemuhat, ne med-uwit dà sikandin te sevaha he meemahan he kerehidu he ibpemuhat din he pemuhat he vayad te salà. Ivayew zin heini he pemuhat para te Nengazen para mepesaylu sikandin te menge salè din. Med-uwit daan sikandin te zezuwa he kilu he meupiya he kelasi he herina he midsehuǥan te lana he pemuhat he para gasa. Wey med-uwit pa sikandin te senge vasu he lana.

Leviticus 27:8

Emun pubri is nekepenaad ne kenà sikandin ebpekevaug he ebayad dutun he kentidad, ne uwita zin diyà te memumuhat sikan is etew he impenaad din he idhalad din diyà te Nengazen, ne iyan egkaǥi haazà is memumuhat te vali he egkevaug dutun te etew te ebayad.

Leviticus 5:12

Ne uwita zin heini ziyà te memumuhat ne edtarin dutun is memumuhat te sengekemkem he paaǥi te ketentenuzi te Nengazen. Ne haazà is tinarin din, ne edtutungen din diyà te pemuhatà duma te zuma he menge pemuhat diyà te Nengazen he pinaaǥi te hapuy. Pemuhat heini he para te idlumpiyu.

Leviticus 5:6

Ne veyazi zin haazà is salà he neveelan din pinaaǥi te kebpemuhat din diyà te Nengazen te sevaha he vehiyan he kerehidu etawa kambing he pemuhat he para idlumpiyu. Iyan is memumuhat ebpemuhat kayi para mevelukasi sikandin te salè din.

Leviticus 5:9

Ne ibpirik din is duma he lengesa kayi ziyà te kilid te pemuhatà, ne is egkesamà he lengesa, ne ibpirik din diyà te zizalem te pemuhatà. Iyan heini pemuhat he ebpekelumpiyu te etew.

Leviticus 6:20

mehitenged te pemuhat he para te Nengazen he ibpemuhat ni Aaron dutun te andew te kedhimuwa kandin he lavew he memumuhat, he kinahanglan he ed-ul-ulahan daan te menge kevuwazan din he ebpekeilis kandin: Mebpemuhat sikandin te zezuwa he kilu he meupiya he kelasi he herina. Pemuhat heini he para te kebeǥey te zengeg diyà te Nengazen, he layun heini ebeeli taman te taman. Is liwazà kayi ne ipemuhat din ke meselem ne is liwazà wey ke mahapun.