Leviticus 4:13 - Manobo Western Bukidnon OT

¹³ Emun ebpekerapas te suǥù te Nengazen is tivuuk he keet-etawan te Israel he wazè dan tivevaa, nekesalè dan gihapun minsan pa is kezekelan kandan wazà mesayud mehitenged kayi.

Leviticus 4:13 교차 참조

Salmo 19:13

Ne tevangi a zaan kenikew wey a kenà mekevaal te menge salà he edtivevaan ne kenè nu ituǥut he meuripen a kayi, su para wazà igkesawey kedì ne zutun egkelikayan ku is mehabet he kelasi te kebpekesalà.

Ezekiel 45:22

Dutun te egkehuna he andew te kedsilibra niw, mebpemuhat is pengulu te turiti he vaka te pemuhat he para idlumpiyu kandan wey te langun he menge Israilihanen.

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Leviticus 16:5

Mebeǥey kandin te zezuwa he meemahan he menge kambing is keet-etawan te Israel he pemuhat he para idlumpiyu wey sevaha he meemahan he kerehidu he pemuhat he edtutungen.

Leviticus 5:17

Emun nekerapas te suǥù te Nengazen is sevaha he etew he wazè din metueni, nekesalà sikandin, ne zuen din televaken diyà te Nengazen.

Leviticus 6:4

Emun egketuenan he tutuu he nekesalà sikandin, kinahanglan he id-ulì din is tinakew zin, etawa nekuwa zin pinaaǥi te limbung, etawa menge azen he intaǥak etawa mibpetipiǥan kandin, etawa menge azen he netazin he neehè din,

Numero 15:22

“Ne penenglitan, sikiyu is menge keet-etawan, nekerapas kew he wazè niw tivevaa zuen te sevaha te menge suǥù he imbeǥey ku ki Moises. (Ne heini he menge suǥù imbeǥey ku keniyu pinaaǥi ki Moises kinahanglan he edtumanen niw heini puun te andew te kebeǥaya ku kayi taman te taman.)

Josue 7:11

Nekesalà is Israel; midrapas dan is kebpekid-uyun ku. Migkuwa zan te menge vutang he impurung en ipemuhat kayi te kedì. Midtakew zan heini, midtarùtarù dan bahin kayi, ne intampu zan heini te menge azen dan.