Leviticus 3:17 - Manobo Western Bukidnon OT

¹⁷ Kenè kew kaan te tavà etawa lengesa. Kinahanglan he heini he velaud edtumanen niw taman te huziyan he lapis te menge kevuwazan, minsan hendei kew ed-ubpà.

Leviticus 3:17 교차 참조

Genesis 9:4

Piru kenè niw keena is langgam he wazè pa maawà dutun is lengesa zin, he iyan igkeuyag din.

2 Cronica 29:35

Utew mezakel is menge pemuhat dan he edtutungen, mahabet daan is menge tavà te menge uyaǥen he pemuhat he para te meupiya he kedepità, wey pemuhat he inumen he idlapik duen te pemuhat he edtutungen. Pinaaǥi kayi nelikuan te ebaal is menge vuluhaten diyà te valey te Nengazen.

Nehemias 8:10

Migkaǥi pa si Nehemias te, “Silibra kew ne kaan kew te metaam he menge keenen wey inum kew te metaam he inumen. Beǥayi niw is wazè dan egkekaan, su heini he andew segradu para te Nengazen. Ne kenè kew lalew, su is kelipey he ibeǥey te Nengazen ebpekepelig-en keniyu.”

Exodus 27:21

Is selevukà te sulù, kinahanglan he idsavuk diyà te ǥawas te kurtina he ebpeketambun duen te Kavan te Kebpekid-uyun. Si Aaron wey is menge kevuwazan din iyan ed-etiman duen te menge sulù duen te Tulda he Edtelevukaayan. Ibpesiǥa zan heini ziyà te etuvangan ku meselem wey mezukilem. Heini he menge sulunuzen ereg he edtumanen te menge Israilihanen taman te huziyan he menge lapis te menge kevuwazan dan.

Exodus 28:43

Emun edseled si Aaron wey sikan is menge anak din duen te Tulda he Edtelevukaayan, etawa ed-uvey zan duen te pemuhatà diyà te Segradu he Lugar su ebpemuhat sikandan, kinahanglan he egemiten dan heini su edhimetayan ku sikandan emun ibpeǥawaǥawa zan is pid-etawan dan. Heini he sulunuzen pehendiyè en te egkelapislapis he kevuwazan ni Aaron is kedtumana zan kayi.

Ezekiel 33:25

Ne guntaan keǥiyi nu sikandan, he iyan a, is Nengazen he MEGBEVAYÀ migkaǥi te, ‘Egkeisip niw ve he egkaangken niw ǥihapun haazà is tanà minsan egkaan kew te usa he zuen din pa lengesa, wey ed-azap kew te zuma he menge ed-ezapen niw, wey ebpenhimatey kew te etew?

Ezekiel 44:15

“Piru is menge memumuhat he ebpuun diyà te tribu ni Levi he menge kevuwazan ni Zadok he metinumanen he nenilbi kedì diyà te valey ku hein mid-awà kayi te kedì is menge Israilihanen, nenilbi zan mulà kedì. Iyan sikandan egkehimu he ebpemuhat kedì te tavà wey lengesa te uyaǥen. Iyan a, is Nengazen he MEGBEVAYÀ, is migkaǥi kayi.

Ezekiel 44:7

Impeseled niw ziyà te valey ku is kenà menge Israilihanen he wazà medtuu te Megbevayà. Pinaaǥi kayi midremerikan niw is baley ku zutun te kebpemuhat niw te keenen, tavà te uyaǥen, wey lengesa. Gawas te utew mezaat he menge vaal niw midrapas niw pa is paaǥi ku te kebpekidepità keniyu.

Leviticus 10:15

Emun ebpemuhat is menge Israilihanen, ne ipemuhat dan is kumeng wey is buvun te uyaǥen ragkes is menge tavà he ibpemuhat dan he pemuhat pinaaǥi te hapuy. Ne is kumeng wey is buvun ne ivayew zan diyà te etuvangan te Nengazen he pemuhat he ibayew. Iyan heini vahin nu wey te menge anak nu taman te taman, sumalà te insuǥù te Nengazen.”

Leviticus 10:9

“Sikew wey is menge anak nu ne kenè kew ereg he edseled diyà te Tulda emun ebpekeinum kew te vinu etawa minsan hengkey he inumen he ebpekelangut. Emun ebeelan niw heini ne ebpatey kew. Kinahanglan he edtumanen niw heini taman te huziyan he lapis te menge kevuwazan.

Leviticus 16:29

Iyan heini menge sulunuzen he ebeelan te menge Israilihanen wey te kenà menge Israilihanen he mid-ubpà duma kandan, ne tumana zan heini taman te taman. Dutun te ikesepulù he andew te ikepitu he vulan kinahanglan he mebpuasa zan ne kenè dan medterebahu, iring te Andew te Kedhimeley. Su iyan heeyan andew he ebeelan is tulumanen te kebelukas kandan puun te menge salè dan su wey zan mehimu he lumpiyu ziyà te etuvangan te Nengazen.

Leviticus 16:34

Kinahanglan he edtumanen dan heini he sulunuzen taman te taman. Ne veeli zan heini kesevaha kada tuig. Ne midtuman heini ni Moises sumalà te insuǥù te Nengazen.

Leviticus 17:7

Umbe, kenè kew en ereg he ebpemuhat diyà te ed-ezapen he henduen be te kambing, su ebpekepeziyù heeyan keniyu ziyà te Nengazen. Kinahanglan he tumana niw heini taman te huziyan he lapis te menge kevuwazan.

Leviticus 19:26

Kenè kew kaan te usa he zuen din pa lengesa. Kenè niw veeli is ebeelan te menge kineegmanen etawa veyilan.

Leviticus 23:14

Emun wazè niw pa heini ikepemuhat, ne kenè kew pa megkaan te minsan hengkey he kelasi te keenen he zuma te beǥu he midraǥun niw, mehilew man heini etawa sinandag etawa midlutù he supas. Heini he sulunuzen, kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà.

Leviticus 23:21

Dutun he andew kenè kew medterebahu, kekenà, tiǥum kew te ked-azap te Nengazen. Heini he sulunuzen, ne kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà.

Leviticus 24:9

Heini he menge supas, ne para ki Aaron wey te menge kevuwazan din. Egkeenen dan heini ziyà te segradu he lugar zutun te Tulda, tenged te utew heini segradu he vahin te menge pemuhat. Ne para heini kandan taman te taman.

Leviticus 3:16

Heini is langun, edtutungen te memumuhat diyà te pemuhatà he pemuhat he keenen. Is kehemut kayi he pemuhat te pinaaǥi te hapuy ne ebpekepenunuat te Nengazen. Is langun he tavà diyà te seled kayi, ne ǥaked te Nengazen.

Leviticus 4:1

Midsuǥù daan te Nengazen si Moises he keǥiyi zin is menge Israilihanen he is minsan hentei he nekesupak te suǥù he wazè din tivevaa, ne iyan heini ereg he ebeelan din:

Leviticus 6:15

Edterinan te memumuhat te sengekemkem heini is pemuhat he herina he zuen duen lana, ne edtutungen din haazà is tinarin din diyà te pemuhatà ragkes is langun he veyewà he insahug dutun te herina. Edtutungen din heini he paaǥi te kedtentenuzi te Nengazen, is kehemut kayi he pemuhat ebpekepenunuat te Nengazen.

Leviticus 6:18

Is langun he maama he menge kevuwazan ni Aaron egkehimu he egkeenen dan is bahin dan dutun te menge pemuhat pinaaǥi te hapuy. Para zà heini kandan taman te peleebuten he menge kevuwazan wey kenà heini egkeengked taman te taman. Is ebpekezegkit kayi he menge pemuhat, egkeipiktuwan te kegkesegradu kayi.

Leviticus 6:22

Ne kinahanglan he edtutungen heini langun, su heini he pemuhat, ne para te Nengazen, ne ed-ul-ulahan heini taman te taman. Kinahanglan he ed-ul-ulahan heini te kevuwazan ni Aaron he iyan ebpekeilis kandin he egkehimu he memumuhat.

Leviticus 7:23

he keǥiya zin heini ziyà te menge Israilihanen: Kenè kew kaan te tavà te vaka, kerehidu, etawa kambing.

Leviticus 7:34

Ibeǥey te Nengazen is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman.

Leviticus 7:36

Dutun he andew te kedhimuwa te menge memumuhat he menge memumuhat, midsuǥù te Nengazen is menge Israilihanen he iveǥey zan haazà he vahin he para te menge memumuhat, para kandan haazà taman te taman, ne tumana zan heini wey te peleebuten he kevuwazan dan.

Numero 19:21

Heini he sulunuzen kinahanglan he edtumanen taman te taman. “Is etew he ebpirik te wahig he gelemiten te kedlumpiyu kinahanglan daan he ebpemìpì te visti zin, wey is minsan hentei he nekesamsam duen te wahig he gelemiten te kebpenlumpiyu ed-isipen he meremerik taman te egkesakep.

Deuteronomio 12:16

Piru kenè niw keena is lengesa; iitis niw heini ziyà te tanà iring te wahig.

Deuteronomio 12:23

Mebpekevantey kew zà he kenè kew mekekaan te lengesa, su is untung ne ziyà te lengesa. Kenè niw ipedregkesà te egkaan is untung wey is usa.

Deuteronomio 12:24

Kekenà, iitis niw is lengesa ziyà te tanà iring te wahig.

Deuteronomio 15:23

Iyan, kinahanglan he kenè niw egkeenen is lengesa, iitis niw heini ziyà te tanà iring te wahig.

Deuteronomio 32:14

Mibeǥayan din sikandan te menge kisu wey ǥatas he ebpuun diyà te menge vaka wey kerehidu, wey mibeǥayan te melambù he menge kerehidu, wey kambing he ebpuun diyà te Bashan. Mibeǥayan din daan sikandan te memeupiya he menge trigu wey impeinum te kinemeupiyahan he vinu he ebpuun te paras.