Leviticus 3:14 - Manobo Western Bukidnon OT

¹⁴ Puun dutun te ibpemuhat, ne edtarin is memumuhat te ibpemuhat din diyà te Nengazen he pemuhat pinaaǥi te hapuy. Egkuwaan din is langun he tavà diyà te seled te ǥetek,

Leviticus 3:14 교차 참조

Exodus 12:9

Kenè kew kaan te usa he mehilew etawa sinevawan, kekenà, tuuǥa niw heini is tivuuk duma is ulu, paa wey is seled te ǥetek dutun te usa.

Erubasa 23:26

Mama, pemineǥa nu purungi is egkeǥiyen ku, ne sunuza nu is menge ulaula ku.

Jeremias 20:18

Maan is neetew e pa? Te iyan dè bes egkeehè ku is keǥuvut wey kelised, ne ebpatey a te kegkeeled?

Leviticus 3:13

izampè din is belad din diyà te ulu zutun te kambing ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.

Leviticus 3:15

is menge vuwà ragkes is menge tavà kayi, wey is deisey he vahin te atey.

Leviticus 4:31

Ne kuwaa zin is langun he tavà duen te kambing iring te ebeelan duen te pemuhat he uyaǥen he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà he mehemut he pemuhat he ebpekepenunuat te Nengazen. Ne pinaaǥi kayi te ebeelan te memumuhat, egkevelukasan is etew puun te menge salè din, ne ebpeseyluwen sikandin te Nengazen.

Leviticus 9:20

in-untud te menge anak ni Aaron diyà te menge kumeng duen te menge uyaǥen. Ne midtutung ni Aaron sikan is menge tavà diyà te pemuhatà.