Iyan heeyan sikan is nekedseselekawà he menge suǥù wey menge sulunuzen he imbeǥey te Nengazen diyà te menge Israilihanen diyà te Buntud he Sinai pinaaǥi ki Moises.
Menge sulunuzen heini he imbeǥey te Nengazen diyà te ki Moises diyà te sibsivayan he ziyà te Buntud he Sinai, hein midsuǥù din is menge Israilihanen te kebpemuhat diyà te kandin.
Hein nehuna he andew te ikezuwa he vulan, dutun te ikezuwa he tuig te ked-awà te menge Israilihanen diyà te Ehipto, migkaǥi is Nengazen diyà te ki Moises diyà te Tulda he Edtelevukaayan he ziyà te sibsivayan he Sinai te,
Iyan heini pemuhat kada andew he edtutungen, he insuǥù dengan keniyu te Nengazen diyà te Buntud he Sinai. Is kehemut kayi he pemuhat te pinaaǥi te hapuy ne ebpekepenunuat te Nengazen.
Iyan heini keguǥuza mehitenged te menge kevuwazan ni Aaron wey ni Moises he ingkesurat hein timpu te kebpekidlalag te Nengazen ki Moises diyà te Buntud he Sinai.
Iyan haazà menge suǥù wey menge sulunuzen he imbeǥey te Nengazen diyà te menge Israilihanen pinaaǥi ki Moises hein diyà sikandan te menge suǥud te Moab he ziyà te Jordan he uvey te Jerico.
Dutun te nehuna he andew te ike-11 he vulan te ike-40 he tuig puun te ked-awà te menge Israilihanen diyà te Ehipto, migkaǥi ni Moises is langun he ibpekaǥi kandin te Nengazen diyà te kandan.
Iyan heini kedseysaya te kedtumana te kebpekid-uyun he insuǥù te Nengazen diyà te ki Moises he imbeǥey ziyà te menge Israilihanen hein diyè dan te Moab. Ne ebpekeuman heini zuen te kebpekid-uyun din he midhimu zin diyà te kandan hein diyè dan te Horeb.
“Ibpenurù ku keniyu is menge suǥù wey menge sulunuzen he imbeǥey kedì te Nengazen he Megbevayè ku, su para mesunud niw heini emun ebpekeuma kew en duen te tanà he ebpeveyaan niw wey ed-engkenen niw.
