Leviticus 27:13 - Manobo Western Bukidnon OT

¹³ Emun edhewien dutun te teǥiǥaked haazà is uyaǥen kinahanglan he ebeyazan din haazà is prisyu te uyaǥen ne umani zin pa te 20 pursintu is bali kayi.

Leviticus 27:13 교차 참조

Leviticus 22:14

Iyan, emun duen etew he kenà sakup te pemilya niw he ebpekekaan kayi he wazè din tivevaa, kinahanglan he edliwanan din heini ziyà te keniyu ne umani zin pa te 20 pursintu is bali kayi.

Leviticus 27:10

Kinahanglan he kenè din en heini liwai te selakew en he uyaǥen, minsan pa ke edhuna he meupiya is idliwà etawa edliwaan. Emun ebeelan din heini ne sikan is uyaǥen he impenaad din wey sikan is uyaǥen he idliwè din ne pudu egkehimu he ǥaked te Nengazen.

Leviticus 27:12

Ne edsusiyen heini zutun te memumuhat ke meupiya ve wey ke kenà, ne ebeliyan din heini te vali he kenè en egkahalinhalin.

Leviticus 27:14

Emun inhalad te etew is baley zin diyà te Nengazen, ne edsusiyen te memumuhat haazà is baley ke meupiya pe be wey ke kenè en, ne ebeliyan din heini te vali he kenè en egkahalinhalin.

Leviticus 27:15

Emun edhewien te teǥiǥaked haazà is baley, kinahanglan he ebeyazan din is prisyu zutun te valey ne umani zin pa te 20 pursintu is bali kayi. Ne idlikù diyà te kandin haazà is baley.

Leviticus 27:19

Emun edhewien te teǥiǥaked haazà is bevesukè din, kinahanglan he ebeyazan din is bali kayi te vevesukà ne umani zin pa te 20 pursintu haazà is bali kayi. Ne id-uli diyà te kandin haazà is bevesukà.

Leviticus 27:27

Emun meremerik haazà he uyaǥen, ne egkehimu he edlekaten te teǥiǥaked. Beyazi zin is bali zutun te uyaǥen ne umani zin pa haazà is bali zin te 20 pursintu. Ne emun kenè din heini edlekaten ne ibelegyà heini te menge memumuhat sumalà te imbali kayi.

Leviticus 5:16

Ne ǥawas dutun te kerehidu, kinahanglan he ebeyazan din sikan is wazè din ikeveǥey te Nengazen, ne umani zin pa te 20 pursintu is bali zutun te wazè din ikeveǥey. Ne iveǥey zin haazà is langun diyà te memumuhat he iyan ebpemuhat duen te kerehidu para mevelukasi sikandin te salè din, ne ebpeseyluwen sikandin te Nengazen.