Leviticus 26:7 - Manobo Western Bukidnon OT

⁷ Iyan kew edsurung te menge kuntada niw ne ebpenhimetayan niw sikandan.

Leviticus 26:7 교차 참조

1 Cronica 19:15

Hein naahà te menge Amunihanen he mibpemelaǥuy en is menge Aramihanen, mibpeleǥuyan dan daan si Abishai is suled ni Joab, ne nemeneled dan diyà te inged dan. Umbe nemen-ulì ensi Joab diyà te Jerusalem.

Ester 9:16

Hein midlavey is menge andew, midtiǥum is menge Judio he ziyà te nekedseselekawà he vahin te ginhedian su para mepengelangi wey melibri zan is keugelingen dan diyà te menge kuntada zan. 75,000 he menge etew is nepatey zan, piru wazè dan penguwaa is menge azen te menge kuntada zan. Sunud he andew zutun, te ike-14 he andew, midhimeley zan ne mid-andam dan para te pista duma te kedlipeylipey.

Salmo 81:15

Is menge edumut kediey, ne ebpekeluhud kedì su egkahandek. Ne wazà pidtemanan te silut dan.

Leviticus 26:36

Sikiyu is egkengesamà te tebek he ed-uwiten te menge kuntada niw ziyà te kandan he menge lugar, edterenteduwen ku, ne minsan daǥing dà te menge zahun he egkeremaǥen ebpemelaǥuy kew en he henduen be te edel-asen te edhimatey keniyu, minsan wazà edal-as keniyu. Ne ebpekedsusukung kew is egkengepiley. Umbe kenè kew ebpekesukul te menge kuntada niw.

Leviticus 26:6

Edhimuwen ku he melinew is lugar niw, umbe ebpekelipezeng kew he wazè niw igkahandek. Edsegseǥen ku is dumezaas he menge langgam, wey wazà menge kuntada he edsurung keniyu.

Leviticus 26:8

Is 5 keniyu ebpekezaag te 100 ne is 100 keniyu ebpekezaag te 10,000.

Deuteronomio 28:7

Ibpezaag te Nengazen keniyu is menge kuntada niw he edsurung keniyu. Edrapungrapung dan is edlusud keniyu piru ebpekedsusuwey is ebpemelaǥuy keniyu.

Deuteronomio 32:30

Ebmenmenuwen man te kedal-as te sevaha he etew is nengkelibu he menge Israilihanen? Ebmenmenuwen te zezuwa he etew he melupig dan is sepulù he libu ziyà te kandan? Eghimu zan dà haazà emun idtuǥut kandan te Nengazen he iyan endilungè dan he iring te vatu.

Josue 23:10

Is minsan hentei keniyu ebpekesegseg te 1,000 he menge etew, su is Nengazen iyan ebpekidtebek para keniyu, sumalà te insaad din.

Zatù 15:15

Ne nekaahà si Samson te tulan te bakà te asnu he veǥu pa he minatey. Migkuwa zin haazà ne migamit din te kedhimatey te 1,000 he menge Filistihanen.

Zatù 4:16

Midal-as ni Barak is menge sundaru ni Sisera wey sikan is menge perekerwahi zin taman te Haroshet Hagoyim ne migerè dan. Ne wazà minsan sevaha he nesamà.

Zatù 7:23

Ne impetawag ni Gideon is menge Israilihanen he sakup te tribu ni Naftali wey ni Asher, wey sakup te tivuuk he tribu ni Manase, ne impezal-as kandan is menge Midianhen.

1 Samuel 14:13

Mibpenanap si Jonatan ne edsunud kandin kes tig-uwit te ǥumaan din he edtekezeg. Ne mibpenhimetayan din kes menge Filistihanen, ne iyan daan mibeelan te tig-uwit te ǥumaan din.