Leviticus 26:6 - Manobo Western Bukidnon OT

⁶ Edhimuwen ku he melinew is lugar niw, umbe ebpekelipezeng kew he wazè niw igkahandek. Edsegseǥen ku is dumezaas he menge langgam, wey wazà menge kuntada he edsurung keniyu.

Leviticus 26:6 교차 참조

2 Hadì 2:24

Nekelilingey si Elisha is edtengteng dutun te menge vetan-en ne midrewakan din sikandan pinaaǥi te ngazan te Nengazen. Ne zuen dezuwa he bir he ebpuun diyà te keyuwen ne mibpengaǥat sikan is 42 he menge vetan-en.

1 Cronica 22:9

Piru ebeǥayan ku sikew te anak he maama he edhadì he melinawen su kenà sikandin edsemuken te langun he menge kuntada zin he nekelingut kandin. Iyan ngazan din si Solomon, su ebeǥayan ku te kelinew is Israel dutun te kedhadì din.

2 Cronica 20:30

Umbe, melinawen is ginhedian ni Jehoshafat su midhimu te Megbevayà he kenè sikandin mekepekidtebek te menge etew he nekeliǥuy kandin.

Job 11:19

Edhizeǥè ka he wazè ebpelihandek kenikew, wey mahabet is ebpetavang kenikew.

Job 5:23

su kenè en heini egkaid kenikew. Ne kenè ke en egkereǥenan he ebpemula ziyà te vetuwen he vevesukè nu.

Salmo 144:14

Ne mekergahi is menge vaka zey te zekelà he menge pruduktu. Berakat he kenè key en surunga te menge kuntada zey ne kenè key en mevihag. Ne verakat he wazè en maan menge sineǥawan te egkeseeng diyà te menge zalan dey.

Salmo 147:14

Mibeǥayan kew zin te kelinew ziyan te ed-ubpaan niw. Ne midhantey kew zin te meupiya he egkeenen.

Salmo 29:11

Edlig-enan te Nengazen is menge etew zin, ne ebeǥayan din sikandan te meupiya he kebpekesavuk.

Salmo 3:5

Edhizeǥà a wey edlipezeng ne egkepukew a, ne wazà ebpekekaid kedì su iyan man ed-ipat kedì is Nengazen.

Salmo 4:8

Su iyan ka is Nengazen ed-ipat kedì, umbe kenà a egkehandek su wazà ebpekekaid kedì minsan dutun te timpu te kedlipezeng ku.

Salmo 85:8

Ebpemineǥen ku is egkeǥiyen te Nengazen he Megbevayà, su ibpenaad din diyà te kenitew te metinumanen he menge etew zin is meupiya he kebpekesavuk; emun kenè tew edlikuan is tinulebung he menge vaal tew.

Exodus 23:29

Iyan, kenè ku sikandan edsegseǥen seled dà te senge-tuig su emun egkediritsuwan egkeewai te etew heeyan is tanà, ne ed-ubpaan te mahabet he menge leew he langgam ne iyan egkehimu he prublima niw.

Erubasa 3:24

Emun edhizeǥè ka ne kenè ka egkahandek wey meupiya zaan is kedlipezeng nu.

Erubasa 6:22

Emun edhipanew ka ne iyan heini egkehimu he ǥiya nu, ne emun edlipezeng ka ne iyan heini egkehimu he vantey nu, ne emun egkepukew ke en ne iyan heini edsambag kenikew.

Isaias 35:8

Ebeelan dutun te disirtu is meluag he kersada, ne egngezanan heini te “Segradu he Zalan.” Wazà mekesesalà wey tulebung he ebpekeikul zutun. Su para zà haazà te menge etew he edsunud te menge paaǥi te Megbevayà.

Isaias 35:9

Wazà menge erimaung wey minsan hengkey he kelasi te zumezaas he menge langgam he ebpekevayà dutun. Iyan dà ebpekeikul zutun is menge etew he midlibri te Nengazen.

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Jeremias 30:10

“Umbe kenè kew mahandek wey mesuǥey is menge kevuwazan ni Jacob he menge suluǥuen ku. Iyan a is Nengazen migkaǥi te egkuwaan ku sikiyu ziyà te meziyù he lugar he zutun kew uwita te mibihag keniyu. Ne ed-ubpè kew he zuen kelinew. Wazè en igkehandek niw wey wazè en ebpekezezaat keniyu.

Jeremias 31:26

‘Hein nepukew a, neǥezam ku he utew meupiya is kedlipezeng ku.’ ”

Ezekiel 14:15

“Ne emun edsuǥuen ku is dumezaas he menge langgam keniyan he nasyun su wey zan penhimetayi is menge meǥinged duen, ne egkehimu he mekevulungbulung heeyan he lugar ne wazè en ebayà duen tenged te kegkahandek dan te zumezaas he menge langgam.

Ezekiel 14:17

“Ne emun daan tebek is ibpaaǥi ku keniyan he nasyun su wey meǥerà is menge meǥinged kayi duma te menge uyaǥen dan,

Ezekiel 14:21

“Benar iyan, siak, is Nengazen he MEGBEVAYÀ migkaǥi he mekehizuhizu is menge tig-Jerusalem emun ebpeeǥiyan ku sikandan te heepat he meveǥat he menge silut he iyan is: tebek, bitil, dumezaas he menge langgam, wey menge zaru he edhimatey te menge meǥinged kayi wey te menge uyaǥen dan.

Ezekiel 34:25

“Ebaal a te kebpekid-uyun kandan he ebpekeveǥey te meupiya te ked-ubpè dan. Egsegseǥen ku is dumezaas he menge langgam puun te tanè dan su wey mekeubpà sikandan diyà te sibsivayan ne ebpekelipezeng dan diyà te ketelunan he wazà ebpekekaid kandan.

Ezekiel 34:27

Ebpemeǥas is menge kayu zan wey is duma pa he menge pinemula zan. Ne ebpengungubpaan sikandan he wazà ebpekekaid kandan. Egketuenan dan he iyan a Nengazen emun edlibriyen ku en sikandan puun te ǥehem te mid-uripen kandan.

Ezekiel 5:17

Gawas te vitil edsuǥuen ku zaan diyà te keniyu is dumezaas he menge langgam ne ebpenhimetayan dan is menge anak niw. Ebpematey kew zaan pinaaǥi te menge zaru wey tebek. Iyan a, is Nengazen, is migkaǥi kayi.”

Hoseas 2:18

Dutun he timpu ebaal a te kesebutan diyà te langun he menge langgam he kenè kew zan menuwa. Id-awè ku ziyà te tanà he Israel is menge ǥumaan te kebpekidtebek iring te panà wey ispada. Ne ǥeina te wazè en tebek, ne ebpekelipezeng kew he wazè niw igkahandek he kezeetan.

Hoseas 2:20

ne egkehimu a he metinumanen diyà te keniyu. Umbe egkilelaan a keniyu he Nengazen.

Leviticus 25:18

Tumana niw is menge sulunuzen he ibpesunud ku wey menge suǥù su wey kew mekepengungubpaan he melinawen dutun te tanà he ed-ubpaan niw ne kenè kew egkeewaan te keenen tenged te kezekelà te menge abut niw puun te tanà.

Leviticus 26:22

Edsuǥuen ku ziyà te keniyu is dumezaas he menge langgam ne ebpenhimetayan dan is menge anak niw wey menge uyaǥen niw, ne tenged kayi zeisey zà is egkesamà keniyu he henduen be te wazè en edhiphipanew ziyà te menge zalan niw.

Leviticus 26:25

Ibpesurung ku sikiyu te menge kuntada niw he iyan silut niw tenged te kedsupak niw te kebpekid-uyun ku keniyu. Minsan med-eles kew pa ziyà te inged niw ebpeeǥiyan ku ǥihapun sikiyu te menge kemeresayan, ne tenged dutun egkepeǥes kew he ebpezizalem te gehem te menge kuntada niw.

Leviticus 26:7

Iyan kew edsurung te menge kuntada niw ne ebpenhimetayan niw sikandan.

Micas 4:4

Is kada etew ebpinuu ziyà te sihung te pinemula zin he paras wey kayu he higus he wazè din igkahandek. Egkehitavù iyan heini su iyan mismu is Nengazen he Mekeǥeǥehem migkaǥi kayi.

Zefanias 3:13

Heini sikandan is egkesamà he menge Israilihanen ne kenà ebaal te mezaat; kenè dan edtarùtarù wey ebpenlimbung. Egkaan dan wey edlipezeng ne wazà ebpekepelihandek kandan.’ ”

Haggai 2:9

Egkehimu he edhuna pa he mekempet heini is beǥu he valey te Nengazen kenà duen te nehuna. Ne ibeǥey ku is meupiya he kebpekesavuk kayi he lugar. Iyan a, is Nengazen he Mekeǥeǥehem, is migkaǥi kayi.”

Zacarias 9:10

Id-awè ku is kebpetebtebekà. Id-awè ku is para te tebek he menge kerwahi wey menge kudà te Israel wey Juda. Is menge panà he para te tebek ne ebedtien ku. Is ebpekeuma he hadì, egkaǥi ziyà te menge nasyun he engkezi zan en is kedtebek. Edhadì sikandin puun te sevaha he zaǥat taman te sevaha pa he zaǥat, wey puun te Wahig he Eufrates taman te kineziyuan he vahin te kelibutan.”