Leviticus 26:44 - Manobo Western Bukidnon OT

⁴⁴ Piru minsan edsilutan ku sikiyu, ne kenè ku sikiyu idselikwey ziyà te lugar te menge kuntada niw; kenè ku sikiyu edezeetan he wazè en egkesamà keniyu. Ne kenà egkehimu he id-awè ku is kebpekid-uyun ku keniyu, su iyan a is Nengazen Megbevayè niw.

Leviticus 26:44 교차 참조

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

2 Hadì 13:23

Piru ingkehizu wey ingkeipeng sikandan te Nengazen tenged te midhimu zin he kebpekid-uyun diyà te ki Abraham, ki Isaac, wey ki Jacob. Ne taman en guntaan ne wazè din sikandan dezeeti etawa ipaawà diyà te lugar zan he zutun kenà sikandin ebpekepekiduma kandan.

Nehemias 9:17

Kenè dan egkesuat he ebpemineg te menge lalag nu, ne midlipatan dan dà is egkengein-inuwan he mibeelan nu ziyà te kandan. Nehimu sikandan he mesinupaken, wey nekidsukulà sikandan kenikew pinaaǥi te kebpilì te pengulu he ebpelikù kandan diyà te kegkeuripen diyà te Ehipto. Piru mepineseyluwen ka he Megbevayà, beliǥeǥawen ka, iipengen ka, kenè ka pepeuken, wey nepenù ka te kebmahal. Umbe wazà nu sikandan iselikwey.

Nehemias 9:31

Piru tenged te zekelà he hizu nu kandan, ne wazè nu sikandan bey-ani etawa wazà nu sikandan purungi zèdeeti, su hihizuwen ka wey veliǥeǥawen he Megbevayà.

Salmo 103:13

Is amey hihizuwen te menge anak din, ne iring din ded daan is Nengazen su hihizuwen te menge edtahud kandin.

Salmo 89:33

Piru ebmahalen ku wey ed-unungan ku ǥihapun si David.

Salmo 94:14

Su kenè nu ed-engkezan, Nengazen, is menge etew he ǥaked nu.

Jeremias 14:21

He Nengazen, tenged te zengeg te ngazan nu, edhengyuan ku sikew he kenè key kenikew iselikwey. Kenè nu ituǥut he egkependezeisey is lavew he pinuuwè nu te kedhadì. Tentenuzi nu is kebpekid-uyun nu kenami, ne kenè nu heini pekyasa.

Jeremias 24:5

“Siak is Nengazen he Megbevayà te Israel, egkaǥi a te ed-isipen ku he iring te meupiya he menge higus is menge Israilihanen he impevihag ku ziyà te Babilonia.

Jeremias 30:11

Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Jeremias 31:20

Midtavak is Nengazen te, “Sikiyu is menge tig-Efraim he pelanggè ku he menge anak, ingkelipey ku sikiyu. Minsan migkaǥi a te ebpekesuǥat keniyu, pinelanggè ku ǥihapun sikiyu. Mibulung a keniyu wey nehizuwan ku sikiyu.

Jeremias 33:26

kenà daan egkahalin is kebpekid-uyun ku te menge kevuwazan ni Jacob wey ki David he suluǥuen ku. Ebpilì a puun diyà te menge kevuwazan ni David te edhadì te menge kevuwazan ni Abraham, ki Isaac, wey ki Jacob. Egkehizuwan ku is menge etew ku ne idlikù ku sikandan diyà te tanè dan wey ziyà te meupiya he kebpekesavuk dan.”

Ezekiel 16:60

Piru edtumanen ku is kebpekid-uyun ku kenikew hein betan-en ke pa, ne edhimu a te kebpekid-uyun ku kenikew he ebpedayun te wazà pidtemanan.

Leviticus 26:11

Ed-ubpà a zuma keniyu ne kenè ku sikiyu idselikwey.

Zatù 2:1

Midhendiyà is belinsuǥuen te Nengazen te Bokim he ebpuun te Gilgal. Ne migkeǥiyan din is menge Israilihanen te, “Impeǥawas ku sikiyu puun te Ehipto, ne mid-uwit ku sikiyu kayi he tanà te impenaad ku ziyà te menge kepuun niw. Ne migkaǥi a zengan he kenè ku edèdeetan is kebpekid-uyun ku keniyu.