Leviticus 26:23 - Manobo Western Bukidnon OT

²³ Ne emun kenè kew pa ǥihapun ebpemineg kediey, su ebpedayun kew hinuun te kedsupak kedì,

Leviticus 26:23 교차 참조

2 Samuel 22:27

Tinutuuwà is kebpekidepitè nu te menge etew he tinutuuwà daan is kebpekidepitè dan kenikew, ne metau ka zaan he bales te menge lalung.

Salmo 18:26

Tinutuuwà is kebpekidepitè nu te menge etew he tinutuuwà daan is kebpekidepitè dan kenikew, ne metau ka zaan he bales te menge lalung.

Jeremias 2:30

Midsilutan ku is menge anak niw para memansu, piru wazà heini medrimeǥas te meupiya ziyà te kandan. Kenà sikandan egkesuat he ebpenuruen. Iyan kew mismu midhimatey te menge ebpeneuven diyà te keniyu; neiring kew te egkevitil he erimaung.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Daniel 9:13

Nehitavù diyà te kenami heini he silut sumalà is ingkesurat diyà te Kesuǥuan ni Moises. Piru Nengazen he Megbevayè dey, minsan pa te iyan heini nehitavù kenami wazè key ǥihapun medtinguha te kebpenunuat kenikew pinaaǥi te ked-iniyug te menge salè dey wey kegkilala te tutuu.

Leviticus 26:21

Emun ebpedayun kew pa ǥihapun he edsupak kediey su kenè kew ebpemineg kediey, ed-umanan ku pa te kepipitu en maan egketakep he silut keniyu.