Leviticus 26:22 - Manobo Western Bukidnon OT

²² Edsuǥuen ku ziyà te keniyu is dumezaas he menge langgam ne ebpenhimetayan dan is menge anak niw wey menge uyaǥen niw, ne tenged kayi zeisey zà is egkesamà keniyu he henduen be te wazè en edhiphipanew ziyà te menge zalan niw.

Leviticus 26:22 교차 참조

2 Hadì 17:25

Dutun te aney he ked-ubpè dan dutun, wazè dan med-azap te Nengazen, umbe impehendiyà te Nengazen te kandan is menge erimaung ne mibpenhimetayan dutun te menge erimaung is duma kandan.

2 Hadì 2:24

Nekelilingey si Elisha is edtengteng dutun te menge vetan-en ne midrewakan din sikandan pinaaǥi te ngazan te Nengazen. Ne zuen dezuwa he bir he ebpuun diyà te keyuwen ne mibpengaǥat sikan is 42 he menge vetan-en.

2 Cronica 15:5

Haazà he timpu dilikadu is kebiyahi su edsinamuk is menge etew.

Isaias 24:6

Umbe, edrewakan te Megbevayà is kelibutan, ne televaken heini te menge meǥinged kayi tenged te menge salè dan. Edezeetan sikandan he iring te ebinsulan te hapuy, ne zeisey zà is egkesamà kandan.

Isaias 33:8

Wazè en ebayà diyà te menge zalan; wazè en edriǥuriǥu zuen. Midsupak en is neuyunan ne wazè en beliya is menge tistiǥus kayi. Wazè en dutun etew he edtehuzen.

Jeremias 15:3

Ibpeseǥazan ku kandan is heepat he klasi te kezeetan: Ebpenhimetayan sikandan pinaaǥi te tebek, idtangag te menge asu is menge lawa zan te ebpematey, egkeenen sikandan te menge tagbis, ne is egkesamà he menge lawa zan ed-eminen egkeena te zumezaas he menge langgam.

Jeremias 42:2

Migkaǥi zan diyà te ki Jeremias te, “Edhangyù key ziyà te kenikew he pengemuyù ka ziyà te Nengazen he Megbevayè nu para kenami te nesamà. Neehè nu he mezakel key zengan, iyan, guntaan deisey key zà.

Penhulùhulù 1:4

Is menge zalan pehendiyà te Jerusalem mekeseseeng, su wazè en edhendiyà te ked-azap dutun te netelaan he menge timpu te pista. Mekevulungbulung is langun he pultahan kayi. Edag-es is menge memumuhat kayi, ne is menge raǥa ebpemenlalew. Utew mekeseseeng is nehitavù te Jerusalem.

Ezekiel 14:15

“Ne emun edsuǥuen ku is dumezaas he menge langgam keniyan he nasyun su wey zan penhimetayi is menge meǥinged duen, ne egkehimu he mekevulungbulung heeyan he lugar ne wazè en ebayà duen tenged te kegkahandek dan te zumezaas he menge langgam.

Ezekiel 14:21

“Benar iyan, siak, is Nengazen he MEGBEVAYÀ migkaǥi he mekehizuhizu is menge tig-Jerusalem emun ebpeeǥiyan ku sikandan te heepat he meveǥat he menge silut he iyan is: tebek, bitil, dumezaas he menge langgam, wey menge zaru he edhimatey te menge meǥinged kayi wey te menge uyaǥen dan.

Ezekiel 33:28

Edhimuwen ku he mekevulungbulung he tanà is Israel, ne id-awè ku is kebpehivantug te menge etew kayi mehitenged te egkehimu zan. Minsan is menge vuvungan kayi egkehimu he mekevulungbulung, ne wazè en ebayà dutun.

Ezekiel 5:17

Gawas te vitil edsuǥuen ku zaan diyà te keniyu is dumezaas he menge langgam ne ebpenhimetayan dan is menge anak niw. Ebpematey kew zaan pinaaǥi te menge zaru wey tebek. Iyan a, is Nengazen, is migkaǥi kayi.”

Leviticus 26:6

Edhimuwen ku he melinew is lugar niw, umbe ebpekelipezeng kew he wazè niw igkahandek. Edsegseǥen ku is dumezaas he menge langgam, wey wazà menge kuntada he edsurung keniyu.

Micas 3:12

Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”

Zacarias 7:14

Iring a te eribpures he mibpeyapat kandan diyà te menge lugar he wazè dan keenu meveyai. Neewaan dan is meupiya he tanè dan, ne nehimu heini he mekevulungbulung.”

Deuteronomio 32:24

Ebpeeǥiyan ku sikandan te vitil; ebpematey sikandan te vitil wey zaru. Edsuǥuen ku ziyà te kandan is mekahandekhandek he menge langgam he edezaat kandan wey ibpekaǥat ku sikandan te edhereg he uled.

Zatù 5:6

Hein timpu ni Shamgar he anak ni Anat, wey te timpu ni Jael, tenged te kegkahandek wazà mid-ikul zuen te zekelà he zalan. Is ebpemenhipanew ne ziyà ebpemen-ikul te dezeisey he menge zalan.