Leviticus 26:21 - Manobo Western Bukidnon OT

²¹ Emun ebpedayun kew pa ǥihapun he edsupak kediey su kenè kew ebpemineg kediey, ed-umanan ku pa te kepipitu en maan egketakep he silut keniyu.

Leviticus 26:21 교차 참조

Salmo 79:12

Nengazen, kepipitu nu tekepa is penimales nu te uvey zey he menge nasyun te kebpeel-elezi zan kenikew.

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Ezekiel 21:14

Umbe, sikew is etew, keǥiya nu is menge lalag ku. Sumbaǥa nu is palad nu he tuus te kegkepauk nu, ne kuwa ka te ispada ne itibas nu heini te kezezuwa etawa ketetelu he simbulu he mahabet kandan is ebpematey te tebek.

Leviticus 26:18

Ne emun kenè kew pa ebpemineg kediey, ne edsilutan ku sikiyu te kepipitu edtekepa.

Leviticus 26:23

Ne emun kenè kew pa ǥihapun ebpemineg kediey, su ebpedayun kew hinuun te kedsupak kedì,

Leviticus 26:24

iyan a mismu egkuntra keniyu ne ebpurungan ku sikiyu edsiluti.

Leviticus 26:27

Ne emun kenè kew pa ǥihapun ebpemineg kediey su ebpedayun kew hinuun te kedsupak kedì,