Leviticus 26:18 - Manobo Western Bukidnon OT

¹⁸ Ne emun kenè kew pa ebpemineg kediey, ne edsilutan ku sikiyu te kepipitu edtekepa.

Leviticus 26:18 교차 참조

Salmo 119:164

Kepipira a edalig kenikew te senga andew, su ǥeina te metazeng is menge suǥù nu.

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

Erubasa 24:16

Su minsan kepipitu pa mepiley is etew he metazeng, iyan, layun sikandin ebpekeenew. Ne emun iyan is lalung egkepiley, kenè en sikandin ebpekeenew.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Jeremias 14:4

Nemeka is tanà su wazà uzan. Ne tenged te kegkeeled te menge perevasuk midtembunan dan is menge ulu dan.

Daniel 3:19

Ne tenged dutun te tavak dan ne utew sikandan nepeuki zuen te hadì, ne egketuusan ta heini ziyà te zagwey zin. Umbe mibmandu sikandin he ibpeiseg pa is keinit duen te rapug te pitu he takep.

Leviticus 26:21

Emun ebpedayun kew pa ǥihapun he edsupak kediey su kenè kew ebpemineg kediey, ed-umanan ku pa te kepipitu en maan egketakep he silut keniyu.

Leviticus 26:24

iyan a mismu egkuntra keniyu ne ebpurungan ku sikiyu edsiluti.

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.

1 Samuel 2:5

Is egkengezeyzey zengan, ne ebpesuhul su wey zan meuyag. Ne is nengevitil zengan, guntaan nengehantey en sikandan. Kes wazà med-anak dengan guntaan mid-anak te mezakel. Ne sikan is mahabet is anak neeminan.