Leviticus 26:14 - Manobo Western Bukidnon OT

^14-15 Piru emun kenè kew ebpemineg kedì etawa kenè kew edtuman te langun he menge suǥù ku wey menge sulunuzen, ne tenged kayi egkesupak niw is kebpekid-uyun ku keniyu,

Leviticus 26:14 교차 참조

2 Hadì 22:13

“Insai niw is Nengazen para kedì wey para te menge etew kayi te Juda vahin kayi te ingkesurat kayi te libru he naahà. Dekelà is pauk te Nengazen kenitew su wazà medtuman is menge kepuun tew te ingkesurat kayi te libru, he ibpetuman daan kenitew.”

2 Cronica 7:19

Piru emun ed-iniyuǥan a keniyu ne kenè niw edtumanen is menge suǥù wey menge sulunuzen he imbeǥey ku keniyu, wey ke ebpenilbi kew wey ed-azap te zuma he menge ed-ezapen,

Salmo 81:12

Umbe, mibpesagdan ku sikiyu te kebmesinupaken niw, ne mibeelan niw is egkesuatan niw.

Erubasa 3:33

Edrewakan te Nengazen is pemilya te etew he mezaat is menge vaal zin, iyan, edtuvazan din mulà is pemilya te etew he metazeng.

Jeremias 11:8

Piru wazà sikandan mebpemineg wey medtuu. Iyan dan nasì mibpezumdumahan is kesinupaken te mezaat he gehinawa zan. Midsuǥù ku sikandan he tumana zan is kebpekid-uyun ku kandan, piru wazè dan heini tumana. Umbe mibpeseǥazan ku kandan is langun he rawak he ingkesurat kayi te kebpekid-uyun ku.”

Jeremias 17:27

Iyan, emun kenè kew edsunud kediey su kenè niw ed-isipen he segradu he andew is Andew te Kedhimeley, kekenà, ed-uwit kew te menge velegyè niw ziyà te menge pultahan te Jerusalem dutun he andew, ebinsulan ku is menge pultahan te Jerusalem ragkes is melig-en he menge vahin kayi he inged, ne wazà ebpekeevuk kayi he hapuy.’ ”

Jeremias 26:4

Keǥiya nu kandan he iyan heini migkaǥi ku: Emun kenè kew ebpemineg kedì wey kenè kew edtuman te menge kesuǥuan ku he imbeǥey ku keniyu,

Jeremias 28:8

Is menge ebpeneuven he nehuna kenita nenagnè dan dengan he zuen ebpekeuma he tebek, vitil, wey menge zaru diyà te mahabet he menge nasyun wey ziyà te mekeǥeǥehem he menge ginhedian.

Jeremias 32:23

Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Jeremias 40:2

Hein naahà ni Nebuzaradan si Jeremias, migkeǥiyan din si Jeremias te, “Is Nengazen he Megbevayè nu migkaǥi he edezeetan din is Jerusalem.

Penhulùhulù 1:18

Migkaǥi is Jerusalem te, “Metazeng is Nengazen; piru wazè ku tumana is suǥù din. Sikiyu is langun he menge etew, pemineg kew, wey tengtengi niw is kegkerasey ku. Mibihag is menge vetan-en ku he menge vahi wey menge maama.

Penhulùhulù 2:17

Mibeelan te Nengazen is mibpelenuwan din te ebaal. Midtuman din is nekaǥi zin dengan. Wazà sikandin mehizu is edezaat keniyu. Midlipey zin is menge kuntada niw tenged te kegkezeeti niw, ne intuǥut din he ikepahambug dan is kebpekegaga zan.

Daniel 9:13

Nehitavù diyà te kenami heini he silut sumalà is ingkesurat diyà te Kesuǥuan ni Moises. Piru Nengazen he Megbevayè dey, minsan pa te iyan heini nehitavù kenami wazè key ǥihapun medtinguha te kebpenunuat kenikew pinaaǥi te ked-iniyug te menge salè dey wey kegkilala te tutuu.

Hoseas 7:12

Piru zutun te kedhengkeniyan dan he menge lugar edhingutelen ku sikandan iring te tagbis he ebpuketen he eguyuzen pehendiyà te zizalem. Edsilutan ku sikandan sumalà te migkaǥi ku en diyà te menge ketiǥuman dan.

Leviticus 26:18

Ne emun kenè kew pa ebpemineg kediey, ne edsilutan ku sikiyu te kepipitu edtekepa.

Josue 23:15

Ne iring te midtuman te Nengazen he Megbevayè niw is langun he menge meupiya he insaad din keniyu, edtumanen din daan is kezeetan he impetizaan din keniyu emun edsupaken niw is kebpekid-uyun keniyu te Nengazen he Megbevayè niw he ibpetuman din keniyu. Wey emun ed-azap kew wey ebpenilbi kew te tarù he menge megbevayà, ibpeǥezaman din keniyu is pauk din, ne seled dà te mevavà he timpu egkeǥerè kew is langun kayi te meupiya he tanà he imbeǥey zin keniyu.”

Zatù 2:15

Emun ebpekidtebek sikandan, ibpepildi sikandan te Nengazen, sumalà is migkaǥi zin. Umbe utew zan midlised.

1 Samuel 12:15

Piru emun kenè kew edsunud te Nengazen, ne kenè niw edtumanen is menge suǥù din, ne edsilutan kew zin iring ded te mibeelan din te kepuun niw.