Leviticus 26:13 - Manobo Western Bukidnon OT

¹³ Iyan a kes Nengazen he Megbevayè niw he mibpeǥawas keniyu puun te Ehipto su wey kew kenè en meuripen te menge Ehiptohanen. Mibeǥayan ku en sikiyu te vayàbayà umbe wazè en ereg he igkeeled niw.

Leviticus 26:13 교차 참조

Salmo 116:16

Nengazen, tutuu he suluǥuen a kenikew. Impelingkawas a kenikew hein nevihag a.

Exodus 14:8

Mibpengelinteuwan te Nengazen he ibpemezesen din is gehinawa te hadì te Ehipto, umbe, midal-as din is menge Israilihanen he migenat he mezeeǥen.

Exodus 20:2

“Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Isaias 51:23

diyè ku heini ibpeinum te midrasey keniyu, wey midsuǥù keniyu te kedlangkab su wey kew zan meǥieki, midhimu zan is peka niw he iring te zalan he zutun dan ed-ikul.”

Isaias 9:3

Nengazen, ebeǥayan nu sikandan te utew zekelà he kelipey. Egkelipey sikandan diyà te etuvangan nu iring te menge etew he egkelipey emun tiraǥun etawa iring te menge etew he igkelipey zan is bahin dan te menge azen he netavan dan diyà te kebpekidtebek dan.

Jeremias 2:20

“Hein menge uripen kew pa, iring kew te vaka he mid-eyuǥuwan wey pinirisu he migkedinahan, piru hein midlibri ku en sikiyu, kenè kew ebpenilbi kedì. Mid-azap kew hinuun te zuma he menge ed-ezapen diyà te kada metikang he vuvungan wey ziyà te sihung te kada merapung he kayu. Iring kew te vahi he ebelegyà te zengeg din.

Jeremias 28:2

“Iyan heini migkaǥi te Nengazen he Mekeǥeǥehem, he Megbevayà te Israel: Egevaan ku en is gehem te hadì te Babilonia.

Jeremias 28:4

Ibpelikù ku zaan kayi si Hadì Jehoyakin he hadì te Juda he anak ni Jehoyakim, wey is langun he menge tig-Juda he mibihag diyà te Babilonia, su egevaan ku en is gehem te hadì te Babilonia. Iyan a, is Nengazen, is migkaǥi kayi.”

Ezekiel 30:18

Emun edèdeetan ku en is gehem te Ehipto egkehimu heeyan he merusirem he andew para te menge tig-Tapanhes. Egkeawè en is impehivantug he ǥehem te Ehipto. Egkeselikuvungan is Ehipto te kivel, ne ebihaǥen is menge meǥinged diyà te menge inged kayi.

Ezekiel 34:27

Ebpemeǥas is menge kayu zan wey is duma pa he menge pinemula zan. Ne ebpengungubpaan sikandan he wazà ebpekekaid kandan. Egketuenan dan he iyan a Nengazen emun edlibriyen ku en sikandan puun te ǥehem te mid-uripen kandan.

Hoseas 11:4

Migiyahan ku sikandan duma is ked-elima iring te ked-elima te etew te vaka zin. Iring te midtangtang ku is eyuǥu ziyà te tengel zan ne migkumpayan ku sikandan.

Leviticus 25:38

Iyan a kes Nengazen he Megbevayè niw he mibpeǥawas keniyu puun te Ehipto su wey ku ikeveǥey keniyu is tanà te Canaan ne wey a mehimu he Megbevayè niw.

Leviticus 25:42

Menge uripen ku sikiyu is menge Israilihanen he impeǥawas ku puun te Ehipto. Umbe kenè niw ivelegyà is keugelingen niw pinaaǥi te kebpeuripen.

Leviticus 25:55

Umbe, wazà keniyu egkeuripen taman te taman, su menge uripen ku sikiyu, sikiyu is imbpeǥawas ku puun te Ehipto. Iyan a kes Nengazen he Megbevayè niw.

Nahum 1:13

Su ǥuntaan egeuzen ku en sikiyu puun te ǥehem te menge tig-Asiria.”