Leviticus 26:11 - Manobo Western Bukidnon OT

¹¹ Ed-ubpà a zuma keniyu ne kenè ku sikiyu idselikwey.

Leviticus 26:11 교차 참조

2 Samuel 7:7

Hein kedhalinhalin ku he zuma ku is menge etew ku he Israilihanen, wazà ad megkaǥi ziyà te menge pengulu, he midsuǥù ku te ked-elima kandan, te maan is wazè e zan tukuzi te utew mekempet he valey he zutun a ed-ezapa he sidru is menge pengawid din.’

1 Hadì 8:13

Ne ǥuntaan nekepevaal ad te utew mekempet he valey para kenikew, he egkeubpaan nu te wazà pidtemanan.”

1 Hadì 8:27

“Piru, sikew, Megbevayà, tutuu ve iyan he ebpekeubpè ka kayi te tanà? Minsan is langit ne kenè ka ganì ed-ereg minsan diyà te pinekemetikang he vahin kayi, kayi ke pe be vuwa med-ereg te valey he midtukud ku?

Salmo 106:40

Umbe, nepeukan te Nengazen is menge etew he ǥaked din, ne ingkeremerik din sikandan.

Salmo 76:2

Ed-ubpà sikandin diyà te Buvungan te Zion he ziyà te Jerusalem.

Salmo 78:59

Netuenan te Megbevayà heini is mibeelan te menge tig-Israel, umbe nepauk sikandin ne mid-iniyuǥan din en sikandan.

Exodus 25:8

Ipevaal nu sikandan te tulda he zutun a ed-ezapa, ne edlumun a ziyà te kandan.

Exodus 29:45

Edlumun a keniyu te menge kevuwazan ni Israel ne egkehimu a he Megbevayè niw.

Exodus 29:46

Ne egketuenan niw he iyan a is Nengazen he Megbevayè niw, mibpeǥawas keniyu ziyà te Ehipto su para mekelumun a ziyà te keniyu. Iyan a is Nengazen Megbevayè niw.

Jeremias 14:21

He Nengazen, tenged te zengeg te ngazan nu, edhengyuan ku sikew he kenè key kenikew iselikwey. Kenè nu ituǥut he egkependezeisey is lavew he pinuuwè nu te kedhadì. Tentenuzi nu is kebpekid-uyun nu kenami, ne kenè nu heini pekyasa.

Penhulùhulù 2:7

Inselikwey te Nengazen is pemuhatà he zutun sikandin ebpemuhata wey is baley zin. Impewaǥey zin te menge kuntada is menge verengbeng diyà te melig-en he menge vahin te Jerusalem. Nemengulahì heini he menge kuntada ziyà te valey te Nengazen he henduen be te edsilibra zan te pista.

Joel 2:27

Ne egketuenan niw he ziyà a te keniyu te menge tig-Israel, ne iyan e zà Nengazen he Megbevayè niw ne wazè en duma pa. Ne sikiyu is menge etew ku ne kenè kew en egkepeel-elezan minsan keenu.”

Leviticus 20:23

Is menge etew he ibpaawè ku zutun he tanà iyan mibaal keniyan he kelelalung, ne tenged kayi igkelimezangi ku sikandan. Umbe kenè niw iringi is ebeelan dan.

Leviticus 26:43

Piru kinahanglan he ibpaawè ku zèpa sikiyu puun te tanè niw he iyan bayad niw te menge salè niw, tenged te kedselikwaya niw te menge suǥù ku wey menge sulunuzen he ibpesunud ku. Ne ebpekehimeley is tanà dutun te egkeewaan niw.

Leviticus 26:44

Piru minsan edsilutan ku sikiyu, ne kenè ku sikiyu idselikwey ziyà te lugar te menge kuntada niw; kenè ku sikiyu edezeetan he wazè en egkesamà keniyu. Ne kenà egkehimu he id-awè ku is kebpekid-uyun ku keniyu, su iyan a is Nengazen Megbevayè niw.

Zacarias 11:8

Naawà is pelavey ku zuen te tetelu he menge perevantey te menge kerehidu he nepeukan e zan. Umbe impaawè ku sikandan is langun seled dà te senge vulan.

Deuteronomio 32:19

Ne naahà heini te Nengazen, ne tenged te utew zin kegkepauk mid-engkezan din sikandan te ed-isip he anak.

Josue 22:19

Umbe, emun egkinahanglan kew te pemuhatà su is tanà niw, kenè dait he zutun kew ed-azap, layun kew ziyà te kenami, diyà te tanà te Nengazen he zutun sikan is Tulda he ed-ezapan kandin, ne ziyè kew en ubpà te kenami. Piru kenè kew vaal te selakew en he pemuhatà gawas duen te pemuhatà he para te Nengazen he Megbevayè tew, su kedsupak heeyan kandin ne supak daan kenami.

Josue 22:31

Umbe, migkaǥi si Finehas he anak te memumuhat he si Eleazar te, “Netuenan tew ǥuntaan he mibpekiduma kenitew is Nengazen su wazè kew medsupak kandin. Midlibri niw is Israel te silut te Nengazen.”