Leviticus 23:2 - Manobo Western Bukidnon OT

² he keǥiya zin heini ziyà te menge Israilihanen, is mehitenged te ispisyal he menge timpu he zutun medtiǥum dan te ked-azap te Nengazen:

Leviticus 23:2 교차 참조

2 Hadì 10:20

Migkaǥi si Jehu te, “Edhimu kiw te ispisyal he ketiǥuman su wey tew meveǥayi te zengeg si Baal.” Umbe impehibelu haazà diyà te menge etew.

1 Cronica 23:31

Sikandan daan is ed-uǥup te ebpemuhat te pemuhat he edtutungen para te Nengazen te menge Andew te Kedhimeley, te Pista te Kebpuun te Hayag, wey te zuma pa he menge pista. Duen menge sulunuzen ke pira te menge Levihanen is edterebahu kayi he menge vuluhaten wey ke ebmenmenuwen dan te ebaal.

2 Cronica 2:3

Mibpeuwit si Solomon te lalag diyà te ki Hadì Hiram he hadì te Tyre he edhenduen te: “Peuwiti a kenikew te kayu he sidru iring te mibeelan nu zengan diyà te amey ku he si David te kedtukuza zin te turuǥan din.

2 Cronica 30:5

umbe impetuenan dan heini ziyà te tivuuk he Israel, puun te Beersheba taman te Dan, he ibpehendiyà te Jerusalem is menge etew te kedsilibra te Pista te Kedlavey te Belinsuǥuen he paaǥi te kebeǥey te zengeg diyà te Nengazen he Megbevayà te Israel. Te nengehuna he kedsilibraha kayi deisek dà is nemenelavuk, piru sumalà is diyà te kesuǥuan ne kenà heeyan dait.

Ezra 3:5

Kenà ragkes kayi is menge pemuhat he edtutungen he ibpemuhat dan te meselem wey mahapun, ebpemuhat daan sikandan te menge pemuhat te kada Pista te Kebpuun te Hayag wey te zuma pa he menge pista te ked-azap te Nengazen. Ebpemuhaten dan daan is Nengazen te menge pemuhat he keugelingen he suat is kebeeli zuen.

Salmo 81:3

Ipezaǥing niw is budyung te kedsilibra te Pista te Kebpuun te Hayag wey zuen te pista he ebeelan tew emun tuker.

Exodus 32:5

Ne hein naahà ni Aaron he utew haazà ingkesuat te menge etew ne mibpevaal sikandin te pemuhatà diyà te etuvangan dutun te vulawan he vaka, ne migkaǥi sikandin te, “Keeselem duen pista he para te kebeǥey te zengeg diyà te Nengazen.”

Isaias 33:20

Ahàa niw is Zion, kes inged he zutun kiw edsilibra te menge pista. Heini he inged, egngezanan daan te Jerusalem, egkeehè niw he melinawen wey melig-en. Iring heini te melig-en he tulda, he kenà egkevazut is menge palpal zin wey kenà egkevidtew is menge hiket din.

Penhulùhulù 1:4

Is menge zalan pehendiyà te Jerusalem mekeseseeng, su wazè en edhendiyà te ked-azap dutun te netelaan he menge timpu te pista. Mekevulungbulung is langun he pultahan kayi. Edag-es is menge memumuhat kayi, ne is menge raǥa ebpemenlalew. Utew mekeseseeng is nehitavù te Jerusalem.

Ezekiel 44:24

Emun duen egkesemberewaanan, iyan is menge memumuhat edhitindeg he menge menhuhukum ne iveǥey zan is kukuman he ibpesikad diyà te kesuǥuan ku. Kinahanglan he edtumanen dan is menge suǥù ku wey menge sulunuzen bahin te menge pista he ibpetuman ku; kinahanglan he ed-isipen dan he segradu he andew is Andew te Kedhimeley.

Hoseas 2:11

Ibpeengkezan ku en is langun he ispisyal he menge timpu te ked-azap he edsilibrahan din kada tuig, kada vulan, wey kada simana.

Joel 1:14

Keǥiyi niw is menge edumala te Juda wey is langun he meǥinged kayi, he medtiǥum dan is langun diyà te valey te Nengazen he Megbevayè niw ne mebpuasa zan. Mebuyù dan te tavang diyà te Nengazen.

Joel 2:15

Ipezaǥing niw is budyung diyà te Zion he paaǥi te kebpetueni te menge etew he kinahanglan sikandan he edtiǥum para te kebpuasa.

Leviticus 23:1

Midsuǥù te Nengazen si Moises

Leviticus 23:21

Dutun he andew kenè kew medterebahu, kekenà, tiǥum kew te ked-azap te Nengazen. Heini he sulunuzen, ne kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà.

Leviticus 23:37

Iyan heini ispisyal he menge timpu he zutun edtiǥum kew te ked-azap te Nengazen wey kebpemuhat te menge pemuhat pinaaǥi te hapuy. Kinahanglan he uwit kew te menge pemuhat he edtutungen, pemuhat he para gasa, pemuhat he para te meupiya he kedepità, wey menge pemuhat he inumen, he kinahanglan he ibpemuhat niw zutun te netendek he timpu te kebpemuhata kayi.

Leviticus 23:4

Is Pista te Kedlavey te Belinsuǥuen wey is Pista te Supas he Wazè din Tapey, menge ispisyal heini he menge timpu he edtiǥum is menge Israilihanen te ked-azap te Nengazen.

Leviticus 23:44

Iyan haazà sikan is ispisyal he menge timpu te ked-ezap te Nengazen he impetuenan ni Moises te menge Israilihanen.

Nahum 1:15

Tengtengi niw is menge tig-Juda! Duen menge menunudtulà he ed-abley ziyà te menge vuvungan su edtudtulan kew zan te meupiya he tudtul he zuen en kelinew ziyà te lugar niw. Umbe silibraha niw en is menge pista niw ne tumana niw is menge penaad niw ziyà te Nengazen. Su is lalung he menge etew ziyà te nasyun he Asiria kenè en maan ebpekesurung keniyu, su ebpurungan ku sikandan edezeeti.

Numero 10:10

Emun timpu te kedlipey niw zutun te kedsilibra niw te menge pista te netendek he timpu te kebeeli zuen, ragkes en is Pista te Kebpuun te Hayag–pezaǥing niw is menge trumpita emun ebpemuhat kew te menge pemuhat he edtutungen wey pemuhat he para te meupiya he kedepità. Heini he menge trumpita ebpetanudtanud kediey te Megbevayè niw te kebpekid-uyun ku keniyu. Iyan a Nengazen he Megbevayè niw.”

Numero 29:39

“Ne liyu zuen te menge pemuhat he para te kedtuman te menge penaad niw wey menge keugelingen niw he suat, pemuhata niw zaan is Nengazen dutun te midtelaan he menge pista kayi he menge pemuhat: menge pemuhat he edtutungen, menge pemuhat he para gasa, menge pemuhat he inumen, wey menge pemuhat he para te meupiya he kedepità.”