Leviticus 22:22 - Manobo Western Bukidnon OT

²² Kenè kew mebpemuhat kayi te kedì te uyaǥen he lakap, lepù, pelien, etawa zuen din daru te lundis. Kenè niw heini ipemuhat kedì dutun te pemuhatà te pemuhat he pinaaǥi te hapuy.

Leviticus 22:22 교차 참조

Leviticus 22:20

Kenè kew mebpemuhat te zuen din sazir su kenè ku heini edewaten.

Malakias 1:8

Umbe, iyan impemuhat niw is menge uyaǥen he lakap, piang, etawa deruwanen. Kenà heeyan hustu! Gezami niw kun be beǥayi is gubirnedur niw te iring keniyan he kelasi te menge uyaǥen. Siguradu he kenà sikandin egkelipey keniyu wey kenè kew zin ebpaahaan te keupiya zin.” Iyan heini migkaǥi te Nengazen he Mekeǥeǥehem.

Leviticus 3:5

Ne edtutungen heini is langun kayi te menge memumuhat diyà te pemuhatà apil zuen te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 3:3

Puun dutun te ibpemuhat, ne edtarin is memumuhat te ibpemuhat din diyà te Nengazen he pemuhat pinaaǥi te hapuy. Egkuwaan din is langun he tavà diyà te seled te ǥetek kayi,

Leviticus 1:13

Kinahanglan he lùlui zuen te nemuhat is menge vahin he ziyà te seled te ǥetek wey is menge paa kayi. Ne iyan en haazà is memumuhat edtutung dutun te langun diyà te pemuhatà te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 1:9

Kinahanglan he lùlui duen te nemuhat is menge vahin he ziyà te seled te ǥetek wey is menge paa zuen te vaka. Ne kegkepasad, iyan en is memumuhat edtutung kayi te langun diyà te pemuhatà, iyan heini pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 22:21

Emun is pemuhat he para te meupiya he kedepità ibpemuhat niw kediey he kedtuman te penaad etawa pemuhat he keugelingen he suat, kinahanglan he vaka heini etawa kerehidu etawa kambing he wazè sazir su edewaten ku heini.

Leviticus 22:23

Egkehimu he ibpemuhat niw he pemuhat he keugelingen he suat is baka etawa kerehidu he kenà hustu is kegkeveeli te sevaha he vahin te lawa zin, piru kenà heini egkehimu he ibpemuhat he pemuhat he kedtuman te penaad.