Leviticus 22:18 - Manobo Western Bukidnon OT

¹⁸ he keǥiya zin heini ziyà te ki Aaron wey ziyà te maama he menge anak din, diyà te iring dan he menge Israilihanen, wey ragkes is kenà menge Israilihanen he mid-ubpà duma kandan: Emun is pemuhat he edtutungen iyan ibpemuhat niw he pemuhat para te kedtuman te sevaha he penaad etawa pemuhat he keugelingen he suat,

Leviticus 22:18 교차 참조

2 Cronica 31:14

Si Kore he anak ni Imnah he Levihanen he vantey ziyà te zapit te edsilaan he gemawan te valey te Nengazen, iyan midseriǥan te kedumala vahin te menge halad he keugelingen he suat is kebeǥaya zuen diyà te Megbevayà. Ketengdanan din is kebpemeǥey ziyà te menge memumuhat wey menge Levihanen te menge azen he impehinungud diyà te Nengazen wey segradu he menge halad.

Salmo 116:14

Edtumanen ku is menge saad ku he nepirmahan te langun he menge etew zin.

Salmo 116:18

Edtumanen ku is menge saad ku ziyà te kenikew he nepirmahan te langun he menge etew nu

Salmo 22:25

Midasig a kenikew su wey a medalig kenikew diyà te kevurunan te menge etew nu. Diyà te etuvangan te menge etew he edtahud kenikew, edtumanen ku is menge pesarig ku he ibpemuhat ku ziyà te kenikew.

Salmo 56:12

Edtumanen ku, Megbevayè ku, is pesarig ku kenikew. Ibpemuhat ku is pemuhat te kebpeselamat kenikew.

Salmo 61:5

Su nezineg nu, Megbevayè ku, is menge penaad ku kenikew, ne mibeǥayan a kenikew te menge vutang he ibeǥey nu ziyà te menge etew he edtahud kenikew.

Salmo 61:8

Ne zutun layun a egkanta te kedalig kenikew, ne layun ku edtumana is menge penaad ku kenikew.

Salmo 65:1

He Megbevayà, ereg ka he edeliǥen dey ziyà te Zion! Ne edtumanen dey is penangdù dey kenikew.

Salmo 66:13

Ebpemuhat a ziyà te valey nu te menge pemuhat he edtutungen. Edtumanen ku is menge penangdù ku ziyà te kenikew,

Exodus 12:5

Iyan niw pilia is menge meemahan he uyaǥen niw he senge-tuig pa is keǥurang din wey wazè din sazir, egkehimu ke kerehidu, ne egkehimu zaan emun kambing.

Megwewali 5:4

Emun duen ibpenaad nu ziyà te Megbevayà, ne kenè nu pekeuǥeta is kedtumana nu zutun. Tumana nu is penaad nu kandin su kenè din igkesuat is menge tulebung he wazà medtuman te menge penaad dan.

Leviticus 1:10

Emun kerehidu etawa kambing is ibpemuhat te etew he iyan pemuhat he edtutungen, kinahanglan he meemahan heini he wazè din sazir.

Leviticus 17:10

Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Leviticus 17:13

Is minsan hentei keniyu te menge Israilihanen wey te kenà menge Israilihanen he mid-ubpà duma keniyu he ed-utel te langgam etawa tagbis he egkehimu he egkeenen, kinahanglan he ibpetiǥis din is lengesa kayi ne tembuni zin te tanà,

Leviticus 22:17

Midsuǥù te Nengazen si Moises

Leviticus 23:38

Silibraha niw heini is ispisyal he menge timpu he ebpekeuman te Andew te Kedhimeley he ebeelan niw kada simana. Wey ipemuhat niw heini he menge pemuhat he ebpekeuman te menge gasa niw, menge pemuhat he para te kedtuman te menge penaad niw, wey menge pemuhat he kineugelingen he suat he ibpemuhat niw ziyà te Nengazen.

Leviticus 7:16

Emun is pemuhat din para te meupiya he kedepità he ibpemuhat din he para te kedtuman te penaad etawa pemuhat he keugelingen din he suat, is usa kayi egkeenen dutun dà he andew te kebpemuhata zuen. Iyan, emun duen pa egkesamà he usa, egkehimu heini he egkeenen dutun te sunud he andew.

Amos 4:5

Tutung kew te supas he midtepayan he pemuhat niw te kebpeselamat kayi te kedì. Sigi, ipahambug niw heeyan ragkes is menge pemuhat niw he keugelingen he suat is kebpemuhata zuen, su iyan man heeyan egkesuatan niw. Iyan a, is Nengazen he MEGBEVAYÀ, migkaǥi kayi.

Jonas 1:16

Ne tenged kayi he hitavù, dekelà is kedtahud te menge etew te Nengazen. Umbe mibpemuhat dan sikandin wey zuen menge penaad dan diyà te kandin.

Jonas 2:9

Iyan, siak mulà, emun edlibriyen a kenikew ne ebpemuhaten ku sikew te kanta te kebpeselamat. Ne heini is impenaad ku, edtumanen ku. Sikew is Nengazen, iyan ka ebpekelibri!”

Nahum 1:15

Tengtengi niw is menge tig-Juda! Duen menge menunudtulà he ed-abley ziyà te menge vuvungan su edtudtulan kew zan te meupiya he tudtul he zuen en kelinew ziyà te lugar niw. Umbe silibraha niw en is menge pista niw ne tumana niw is menge penaad niw ziyà te Nengazen. Su is lalung he menge etew ziyà te nasyun he Asiria kenè en maan ebpekesurung keniyu, su ebpurungan ku sikandan edezeeti.

Malakias 1:14

Edrewakan ku is limbungan he iyan ibpemuhat din kayi te kedì is selewayen he uyaǥen minsan pa te zuen meupiya he uyaǥen din, he insaad din he ibpemuhat din kayi te kedì. Su utew a lavew he hadì, igkahandek a ziyà te menge nasyun, migkaǥi is Nengazen he Mekeǥeǥehem.”

Numero 15:3

ne pemuhat kew te para kediey te menge ibpemuhat he ebpuun te menge uyaǥen niw. Pemuhat kew te menge pemuhat he edtutungen, menge pemuhat para te kedtuman te menge penaad, menge pemuhat he kineugelingen he suat, etawa menge pemuhat para te kedsilibra te menge pista. Is kehemut kayi te menge pemuhat he pinaaǥi te hapuy ne ebpekepenunuat kedì.

Deuteronomio 12:17

Iyan heini kinahanglan he kenè niw egkeenen diyà te keugelingen niw he ubpeey: is ikepulù te paras niw, binu niw, lana niw, kinekekayan te menge uyaǥen niw, is minsan hengkey he idsaad niw he idhalad, is kineugelingen he menge halad, wey is ispisyal he menge gasa.

Deuteronomio 12:6

Dutun niw uwita is menge ibpemuhat niw he edtutungen wey is duma pa he menge pemuhat, is ikepulù niw, is ispisyal he menge gasa niw, is insaad niw he idhalad, is kineugelingen he menge halad, wey is kinekekayan te menge uyaǥen niw.

Deuteronomio 16:10

Ne zutun silibraha niw is Pista te Kedraǥun te kebeǥey te zengeg diyà te Nengazen he Megbevayè niw pinaaǥi te kineugelingen he menge halad niw sumalà te menge tuvad he nezawat niw puun te Nengazen he Megbevayè niw.